دوسہ (راجستھان): راجستھان کے دوسہ میں بدھ-جمعرات کی درمیانی شب اسمبلی میں اپوزیشن لیڈر ٹیکارام جولی کی گاڑی کو حادثہ پیش آیا۔ اس حادثے میں ان کے بائیں ہاتھ میں معمولی فریکچر ہوا، حالانکہ ایئر بیگ نصب ہونے کی وجہ سے ان کی جان بچ گئی۔
Published: undefined
ٹیکارام جولی نے بتایا کہ یہ حادثہ دہلی-ممبئی ایکسپریس وے پر بھنڈاریج انٹرچینج کٹ سے پانچ کلومیٹر پہلے پیش آیا۔ یہ حادثہ ایک نیل گائے کے اچانک کار کے سامنے آنے کی وجہ سے پیش آیا۔ دوسہ کے ضلع کلکٹر دیویندر کمار یادو نے بتایا کہ جولی کو ضلع اسپتال لے جایا گیا ہے۔ ڈاکٹروں نے اس کے بائیں ہاتھ پر پلاسٹر لگا کر انہیں اسپتال سے ڈسچارج کر دیا۔ اب وہ بالکل ٹھیک ہے۔
Published: undefined
حادثہ کی اطلاع ملتے ہی دوسہ کے ایم پی مراری لال مینا سمیت کئی کارکنان اسپتال پہنچے اور تکارام جولی کی خیریت دریافت کی۔ اسپتال سے ڈسچارج ہونے کے بعد اپوزیشن لیڈر نے میڈیا سے گفتگو کرتے ہوئے کہا، ’’میں بالکل ٹھیک ہوں، صحت مند ہوں، میرے ہاتھ میں ہلکی سا ہیئر لائن فریکچر ہے، ڈاکٹر نے کہا ہے کہ چار ہفتوں میں ٹھیک ہو جائے گا۔‘‘
انہوں نے بتایا کہ اس وقت کار میں چار افراد سوار تھے۔ باقی سب صحت مند ہیں۔ وقت پر ایئر بیگ کھل جانے کی وجہ سے سب محفوظ رہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined