'یہ ایک چیمپئن کی پہچان ہے، وہ میدان سے جواب دیتا ہے' ونیش پھوگاٹ کے فائنل میں داخلے پربولے راہل

پیرس اولمپکس 2024 کے فائنل میں جگہ بنانے والی ونیش پھوگاٹ کو مبارکباد دی جا رہی ہے۔ انہوں نے 50 کلوگرام ویٹ کیٹیگری کے سیمی فائنل میں 5-0 سے کامیابی حاصل کی۔ ونیش نے فائنل میں جگہ بنا کر تمغہ حاصل کیا ہے۔ انہیں مبارکباد دیتے ہوئے لوک سبھا میں قائد حزب اختلاف راہل گاندھی نے بھارتیہ جنتا پارٹی پر بھی  حملہ کیا۔

انہوں نے کہا کہ ہندوستان کی بہادر بیٹی کے سامنے اقتدار کا پورا نظام منہدم ہو گیا جس نے انہیں خون کے آنسورلائے تھے۔ کانگریس  کے رکن پارلیمنٹ نے سوشل میڈیا پلیٹ فارم پر لکھا وہ تمام لوگ جنہوں نے ونیش اور اس کے ساتھیوں کی جدوجہد کو جھٹلایا اور ان کے ارادوں اور صلاحیت پر سوال بھی اٹھائے، ان کا جواب مل گیا ہے۔

حملے کو جاری رکھتے ہوئے انہوں نے مزید کہا کہ ’’آج پورا نظام اقتدار جس نے اسے خون کے آنسو  رلایا تھا ہندوستان کی بہادر بیٹی کے سامنے منہدم ہوگیا۔ یہ ہے چیمپئنز کی پہچان، میدان سے جواب دیتے ہیں۔ نیک خواہشات وینیش۔ پیرس میں آپ کی کامیابی کی گونج دہلی تک صاف سنائی دے سکتی ہے۔‘‘

چند ماہ قبل تک نظام کے خلاف سڑکوں پر لڑنے والی ونیش پھوگاٹ اولمپکس کے فائنل میں پہنچنے والی پہلی ہندوستانی خاتون پہلوان  بن گئیں۔ انہوں نے ریسلنگ چٹائی پر ہمت اور لڑنے کے جذبے کی نئی کہانی لکھی۔ ہریانہ سے تعلق رکھنے والی 29 سالہ ونیش نے کیوبا کے یوزنیلیس گزمین لوپیز کو صفر کے مقابلے  5  پوانٹس سے شکست دی۔ اس نے پیرس اولمپکس میں خواتین کی 50 کلوگرام ریسلنگ کیٹیگری میں طلائی تمغہ جیتنے کی طرف قدم بڑھایا۔ ونیش ریو اولمپکس میں زخمی ہو کر اسٹریچر پر باہر ہو گئی تھیں اور ٹوکیو اولمپکس میں ان کی کارکردگی مایوس کن رہی تھی۔ انہوں نے جیت کے بعد کہا، ’’کل ایک اہم دن ہے۔ وہ اس کے بعد بات کریں گی۔‘‘