پارلیمانی قائمہ کمیٹیاں تشکیل، راہل، اکھلیش، اویسی کو رکن بنایا گیا

حال ہی میں مختلف محکموں کی پارلیمانی قائمہ کمیٹیاں تشکیل دی گئی ہیں۔ رادھا موہن داس اگروال کو ایک وزارتی پارلیمانی کمیٹی کا چیئرمین بنایا گیا ہے۔ اس کے ساتھ ہی اکھلیش یادو کو سائنس اور ٹیکنالوجی، ماحولیات اور موسمیاتی تبدیلی کمیٹی کا رکن بنایا گیا ہے۔ بی جے پی رہنما  اور رکن پارلیمنٹ نشی کانت دوبے کو مواصلات اور آئی ٹی کی پارلیمانی کمیٹی کا چیئرمین مقرر کیا گیا ہے، جب کہ انل بلونی کو کمیٹی کا رکن بنایا گیا ہے۔

کانگریس کے رہنما اور رائے بریلی کے رکن پارلیمنٹ راہل گاندھی کو دفاعی کمیٹی کا رکن بنایا گیا ہے، جب کہ رادھا موہن سنگھ کو دفاعی کمیٹی کا چیئرمین مقرر کیا گیا ہے۔ اسد الدین اویسی کو خارجہ امور کی پارلیمانی کمیٹی کا رکن بنایا گیا ہے اور ششی تھرور کو خارجہ امور کی پارلیمانی کمیٹی کا چیئرمین مقرر کیا گیا ہے۔ یہ تشکیل مختلف محکموں میں کاموں کی نگرانی اور ترقی کے لیے اہم ہوگی۔

ہرعام انتخابات کے بعد پارلیمانی کمیٹیوں کی تشکیل نو کی جاتی ہے کیونکہ کمیٹیوں کے ارکان پارلیمنٹ کے ارکان  ہوتے ہیں۔ تاہم، محکمے سے متعلقہ قائمہ کمیٹیوں کی ہر سال تشکیل نو کی جاتی ہے، جب کہ بہت سی دیگر کمیٹیاں، جیسے مشترکہ پارلیمانی کمیٹیاں، اس وقت تبدیل ہوتی ہیں جب کوئی رکن ریٹائر ہو جاتا ہے یا اپنی لوک سبھا نشست کھو دیتا ہے۔ یہ پینل ایوان میں ہر پارٹی کی متناسب نمائندگی کی بنیاد پر پارلیمنٹ کی تمام جماعتوں سے اراکین کا انتخاب کرتا ہے۔

ان پارلیمانی کمیٹیوں کا مقصد پارلیمنٹ کے امور پر نظر رکھنا اور قانون سازی میں مشاورتی کردار ادا کرنا ہے۔ محکمہ سے متعلق 24 قائمہ کمیٹیاں ہیں جو اپنے دائرہ اختیار میں حکومت کی تمام وزارتوں/محکموں کا احاطہ کرتی ہیں۔ ان کمیٹیوں میں سے ہر ایک کے 31 ارکان ہوتے ہیں۔ جس میں لوک سبھا سے 21 اور راجیہ سبھا سے 10 منتخب ہوئے ہیں۔ ان ارکان کو لوک سبھا کے اسپیکر کے ذریعہ نامزد کیا جاتا ہے۔