یوگی کے نقش قدم پر چل پڑے پشکر دھامی، جلد ہی ’بھگوا‘ ہو جائے گا دہرادون کا پلٹن بازار

اتراکھنڈ میں بی جے پی کی پشکر دھامی حکومت بھی اتر پردیش کی یوگی حکومت کے نقش قدم پر چل پڑی ہے۔ دراصل راجدھانی دہرادون کا سب سے مشہو رمارکیٹ پلٹن بازار جلد ہی بھگوا ہونے جا رہا ہے۔ ایسا اس لیے کیونکہ اسمارٹ سٹی کے تحت یہاں کی سبھی دکانوں کے بورڈ کو بھگوا رنگ میں تیار کیا جا رہا ہے۔ صرف بورڈ ہی نہیں، بازار کی سبھی دکانوں کے آگے شیڈ کو بھی بھگوا رنگ میں رنگا جائے گا۔

اسمارٹ سٹی پروجیکٹ کے ذریعہ راجدھانی دہرادون کو منظم بنانے کی کوشش کی جا رہی ہے۔ اس میں دہرادون کا سب سے پرانا اور بڑا پلٹن بازار بھی شامل ہے، جہاں روزانہ سینکڑوں لوگ اپنی روزمرہ کی ضرورتوں کو پورا کرنے کے لیے پہنچتے ہیں۔ ویسے تو اب یہ اسمارٹ سٹی کے منصوبہ کے کام کی دھیمی رفتار شہری باشندوں کے لیے اب کسی ناسور سے کم نہیں ہے۔ لیکن اب ایک طرف نئے تنازعہ نے جنم لے لیا ہے۔

دراصل یہ نیا تنازعہ ہے پلٹن بازار کو بھگوا رنگ دینے کا۔ جس میں کاروباریوں کی دکانوں پر لگنے والے چھجے اور نام کی تختی کو بھگوا کیا جائے گا۔ حال ہی میں کاروباریوں کے ساتھ میونسپل کارپوریشن کی بات چیت کے دوران یہ فیصلہ لیا گیا تھا کہ دکانوں کے آگے نام کی تختی کو آرینج کلر دیا جائے گا۔ جس پر سفید رنگ سے کاروباری کا نام درج ہوگا۔ یہی نہیں، ہر دکان کے اوپر چھجا بھی اسی بھگوا رنگ سے رنگا جائے گا۔

میئر سنیل انیال اور رکن اسمبلی کھجان داس نے پلٹن بازار میں تعمیر ہونے جا رہے چھجوں کا جائزہ بھی لیا۔ ساتھ ہی یہ ہدایت بھی دی کہ دو ماہ میں یقینی ہو کہ بازار کے سبھی چھجوں کی تعمیر مکمل ہو جائے۔ اس دوران میئر سنیل انیال گاما اور رکن اسمبلی کھجان داس نے کاروباریوں سے تبادلہ خیال کر چھجوں کے بارے میں ضروری ہدایت اسمارٹ سٹی کے افسران کو دیے۔ انھوں نے یہ بھی ہدایت دی کہ چھجوں کے حروف ہندی میں رہیں گے اور دکان کا نام اور ضروری جانکاری بورڈ کے وسط میں آئیں گے۔

مرکز کے دیرینہ منصوبہ کے نام پر خاص رنگ کو خاص پہچان سے جوڑ کر ایک نئے تنازعہ کو جنم دے دیا گیا ہے۔ راجدھانی دہرادون میں اسمارٹ سٹی کے کام یوں تو پہلے ہی تنازعات میں رہے ہیں۔ پلٹن بازار کی بھگواکاری کو لے کر اب کانگریس نے بھی حکومت کو آڑے ہاتھوں لینا شروع کر دیا ہے۔ کانگریس کا الزام ہے کہ بی جے پی اب بازاروں کو بھی بھگوا کرنے کی سازش تیار کی جا رہی ہے۔ عوام سڑکوں کے گڈھوں سے پریشان ہیں، لیکن بی جے پی کی مرکزی حکومت کے منصوبہ کے بہانے بازاروں کی بھگواکاری کا کام کر رہی ہے۔

میونسپل کارپوریشن میں بی جے پی کا بورڈ ہے اور اس میں بی جے پی کے ہی میئر سنیل انیال گاما قابض ہیں۔ لہٰذا ایسے میں بھگواکاری کو لے کر کانگریس کا سوال اٹھانا لازمی ہے۔ دوسری طرف میونسپل کارپوریشن کے میئر سنیل انیال گاما کا کہنا ہے کہ بھگوا رنگ کرنے کا یہ فیصلہ کاروباریوں اور سبھی افسران کے ساتھ میٹنگ کر لیا گیا ہے۔ سبھی نے اتفاق رائے سے اسی رنگ کو لے کر اپنی حمایت کا اظہار کیا ہے۔

اسمارٹ سٹی پروجیکٹ میں سست رفتاری کو لے کر اب تک افسران کو پھٹکار لگانے والے اور ناراضگی ظاہر کرنے والے شہری ترقی کے وزیر پریم چند اگروال فی الحال پلٹن بازار میں دکانوں کے شیڈ اور نام کی تختی پر لگنے والے بھگوا رنگ کو لے کر انجان ہیں۔ شہری وزیر پریم چند اگروال سے جب پوچھا گیا کہ اسمارٹ سٹی پروجیکٹ کے تحت بھگوا رنگ کا استعمال کیوں کیا جا رہا ہے، تو اس پر ان کا جواب تھا کہ ان کو اس بات کا کوئی علم نہیں ہے۔