ویڈیو: انتخابی تشہیر کے دوران ’زہریلے سانپوں‘ سے کھیلنے لگیں پرینکا گاندھی!

جمعرات کو اپنی والدہ اور یو اپی اے کی چیئرپرسن سونیا گاندھی کے انتخابی حلقہ رائے بریلی میں انتخابی تشہیر کے دوران پرینکا گاندھی کا ایک انوکھا انداز نظر آیا۔ تشہیر کے دوران پرینکا گاندھی اچانک سپیروں کی بستی میں جا پہنچیں اور ان سے بات کرتے ہوئے کئی سانپوں کو اپنے ہاتھ میں لے کر ان کے ساتھ کھیلنے لگیں۔ کانگریس کی جنرل سکریٹری کو اپنے درمیان دیکھ کر سپیرے بھی کافی جوش میں نظر آئے۔

اپنی بستی میں پرینکا کو دیکھ کر سپیروں نے زہریلے سانپوں کو دکھانا شروع کردیا یہ دیکھ پرینکا ایک اسٹول پر بیٹھ گئیں اور سانپوں کو اپنے ہاتھوں میں لے کر ان کے باری میں کئی طرح کی جانکاریاں لیں۔

اس کے علاوہ سپریرے انہیں سانپوں کے حوالہ سے معلومات بھی دے رہے ہیں۔ پرینکا گاندھی کے آس پاس کھڑے لوگ ان کے اس انداز کو دیکھ کر حیران رہ گئے۔

پرینکا نے اپنے ہاتھوں سےسانپوں کو پنجڑے سے نکالا اور یہاں تک کہ ’کوبرا ‘کو بھی اپنے ہاتھوں پر پکڑے دکھائی دیں۔پرینکا میڈیا نمائندوں کو یہ کہتی بھی سنی گئیں کہ ’ڈرو مت یہ آپ کو کاٹے گا نہیں‘۔اس دوران سپیروں نے پرینکا سے اپنے مشکلات کے بارے میں تفصیل سے بات چیت کی۔

اس کے بعد میڈیا نمائندوں سے بات کرتے ہوئے پرینکا گاندھی نے بی ایس پی کے کانگریس پر بی جے پی کو مدد پہنچانے کے الزامات کو خارج کرتے ہوئے کہا کہ ہرکوئی جانتا ہے کہ ہم مکمل طور سے بی جے پی کے خلاف ہیں اور اسے سکشت فاش دینے کے لئے ہر ممکن کوشش کرہے ہیں۔ انہوں نے اپوزیشن پارٹیوں کو اس بات کا مشورہ بھی دیا کہ وہ کانگریس پر الزامات لگانے سے گریز کریں کیونکہ ان کا یہ عمل صرف بی جے پی کو ہی فائدہ پہنچائے گا۔

جب ان سے پوچھا گیا کہ مایاوتی نے کہا کہ اترپردیش میں بی جے پی کو ووٹ دے کر اپنا ووٹ ضائع نہ کریں اس پر ان کا کہنا تھا ووٹرس بہت ہوشیار ہیں اور وہ جانتے ہیں کہ کسی ووٹ کرنا ہے اور کون بی جے پی کا مقابلہ کرسکتا ہے۔

پرینکا نے رائے بریلی سے بی جے پی امیدوار دنیش پرتاپ سنگھ پر اپنا تلخ تبصرہ کرتے ہوئے کہا کہ یہ وہ شخص ہے جو کبھی ہمارے پیر چھوتا تھا اور کہتا تھا کہ ہم کہیں نہیں جانے والے۔ اب وہ ہماری ماں کے خلاف لڑرہا ہے۔ جو اس کے دھوکہ دھڑی کے عادت ظاہر کرتا ہے۔ ملحوظ رہے کہ پرینکا گذشتہ تین دنوں سے رائے بریلی اور امیٹھی میں قیام پذیر ہیں اور ماں و بھائی کے لئے انتخابی مہم چلارہی ہیں۔