وزیر اعظم مودی، کانگریس صدر سونیا  گاندھی اور راہل گاندھی کا امبیڈکر کو خراج تحسین

نئی دہلی: ڈاکٹر امبیڈکر کی آج 129 ویں یوم پیدائش ہے، اس موقع پر ملک کے اہم لیڈران نے انہیں خراج عقیدت پیش کیا۔

وزیر اعظم نریندر مودی نے آئین ساز بابا صاحب بھیم راؤ امبیڈکر کے یوم پیدائش کے موقع پر انہیں گلہائے عقیدت پیش کئے۔ وزیر اعظم مودی نے ٹوئٹ کیا ’’بابا صاحب ڈاکٹر بھیم راؤ امبیڈکر کو ان کے یوم پیدائش کے موقع پر سبھی ہم وطنوں کی جانب سے خراج تحسین‘‘۔

کانگریس صدر سونیا گاندھی اور راہل گاندھی نے آئین ساز بابا صاحب بھیم راؤ امبیڈکر کو منگل کے روز ان کی سالگرہ کے موقع پر خراج تحسین پیش کیا۔

سونیا گاندھی نے اپنے پیغام میں بابا صاحب بھیم راؤ امبیڈکر جی کی جینتی پر سبھی اہل وطن کو مبارکباد دیتے ہوئے کہا کہ آئینی اقدار، تحفظات اور روایات کے طریق کار پر عمل کرنے کی ذمہ داری ہر ہندوستانی کا فرض ہے۔‘‘

راہل گاندھی نے کہا ’’عظیم سماجی مصلح اور ہمارے آئین ساز بابا صاحب بھیم راؤ امبیڈکر جی کو ان کی سالگرہ کے موقع پر انہیں گلہائے عقیدت پیش کرتا ہوں۔ ڈاکٹر بابا صاحب امبیڈکر جی کی سالگرہ پر پرخلوص خراج عقیدت‘‘۔