کانگریس کا ’گارنٹی کارڈ‘ جاری کرتے ہوئے پارٹی لیڈران
نئی دہلی: لوک سبھا انتخاب کے پیش نظر کانگریس کی سرگرمیاں اپنے عروج پر پہنچ گئی ہیں۔ اس سرگرمی کو مزید رفتار دیتے ہوئے کانگریس صدر ملکارجن کھڑگے نے دہلی کے شمال مشرقی پارلیمانی حلقہ واقع گھونڈا اسمبلی حلقہ کے عثمان پور کیتھواڑا میں پارٹی کا ’گارنٹی کارڈ‘ جاری کیا۔ اس میں عوام کو ’25 نیائے‘ (پچیس انصاف) دینے کی گارنٹی دی گئی ہے۔
Published: undefined
ملکارجن کھڑگے کے ذریعہ اس موقع پر عوام سے خطاب بھی کیا گیا جس میں مودی حکومت کی عوام مخالف پالیسیوں کا بھی تذکرہ کیا گیا اور کانگریس کے منصوبوں کے بارے میں بھی بات کی گئی۔ بعد ازاں دہلی پردیش کانگریس کمیٹی صدر اروندر سنگھ لولی سمیت ہزاروں کانگریس کارکنان نے گھر گھر کانگریس کا ’گارنٹی کارڈ‘ تقسیم کر دہلی میں لوک سبھا انتخابی تشہیر کا باضابطہ آغاز کیا۔ کانگریس لیڈران و کارکنان نے اس گارنٹی کارڈ کو زیادہ سے زیادہ گھروں تک پہنچانے کا عزم بھی ظاہر کیا تاکہ لوگ اس سے واقف ہو سکیں۔
Published: undefined
اس موقع پر اروندر سنگھ لولی نے کہا کہ راجدھانی دہلی میں کانگریس کارکنان گھر گھر جا کر ہر کنبہ تک کانگریس کا گارنٹی کارڈ پہنچائیں گے۔ انھوں نے مزید کہا کہ کانگریس نے ہمیشہ اپنے انتخابی منشور میں لوگوں سے کیے گئے وعدوں کو پورا کیا ہے۔ اب نوجوانوں، خواتین، کسانوں، مزدوروں، حصہ داری کے ’نیائے‘ سمیت ہر طبقہ کے لوگوں کو مناسب موقع دینے کا وعدہ کانگریس کر رہی ہے۔ اروندر لولی کا کہنا ہے کہ ’’بی جے پی حکومت کی تخریبی پالیسیوں کے سبب گزشتہ دس سالوں میں لوگوں کو مہنگائی، بے روزگاری اور سماجی بدسکونی و ناانصافی کے سبب ہر معاملے میں نقصان اٹھانا پڑا ہے۔‘‘ انھوں نے مزید کہا کہ کانگریس نے ہمیشہ غریبوں، مجبوروں، محروموں اور مزدوروں کے مفادات کی جنگ لڑی اور ہمارے لیڈر راہل گاندھی پارلیمنٹ سے سڑک تک ملک کی 95 فیصد آبادی کے حقوق کی لڑائی لڑ رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined