پاکستان نے کورونا کے مدنظر 12ممالک کے مسافروں پر پابندی لگائی

پاکستان سیول ایوی ایشن اتھارٹی نے تین ممالک اے، بی اور سی میں 12ممالک کے مسافروں کے ملک میں داخل ہونے پر مکمل پابندی عائد کردی ہے، جوکہ ملک میں کورونا کے پھیلاو کو روکنے کی ایک کوشش ہے۔

مقامی میڈیا نے اتوار کو اس سلسلہ کی رپورٹ دی۔ اخبار ڈان کے مطابق ان 12ممالک سے تمام آنے والے مسافروں کے پاکستان میں داخل ہونے پر پابندی یا روک نافذ رہے گی۔ یہ آرڈر 23مارچ سے پانچ اپریل کے درمیان نافذ رہے گا۔

حکام نے کہاکہ اس زمرہ سی میں آنے والے ممالک میں بوتسوانا، برازیل، کولمبیا، کوموروس، گھانا، کینیا، موزمبق، پیرو، روانڈا، جنوبی افریقہ، تنزانیہ اور زامبیا شامل ہیں۔

واضح رہے پوری دنیا میں کورونا کا قہر جاری ہے جبکہ کئی ممالک میں کورونا کی دوسری اور تیسری لہر بھی آ چکی ہے۔ پاکستان میں جہاں کوروناکے تازہ معاملوں میں اضافہ ہو رہا ہے وہیں پاکستان کے وزیر اعظم عمران خان اور ان کی اہلیہ بشریٰ بی بی بھی جانچ میں کورونا متاثر پائے گئے ہیں ۔ کورونا متاثر پائے جانے سے صرف دو دن قبل ہی عمران خان نے کورونا کا ٹیکہ لگوایا تھا۔

کورونا کے معاملوں میں اضافہ کو لے کر جو کئی ممالک میں تشویش پائی جا رہی ہے اس کے نتیجے میں ہی پاکستان نے ان ممالک کے مسافروں پر پابندی لگائی ہے۔ کئی ممالک نے کورونا کی چین کو توڑنے کے لئے ایسی پابندیاں عائد کی ہوئی ہیں۔