پارلیمنٹ کا مانسون اجلاس اب سے تھوڑی دیر میں، کورونا اور مہنگائی پر گھیرے گا حزب اختلاف

آج سے پارلیمنٹ کا مانسون اجلاس شروع ہو نے جا رہا ہے جس میں حزب اختلاف اور حکومت کے بیچ زبر دست ہنگامہ نظر آ سکتا ہے۔یہ اجلاس 13 اگست تک چلے گا اور اس اجلاس کے دوران حکومت کئی بل لائے گی لیکن کہا جا رہا ہے کہ حزب اختلاف کورونا وبا کے دوران ہوئی بد انتظامی اور مہنگائی پر زبردست ہنگامہ کرے گا۔

مانسون اجلاس میں جہاں حزب اختلاف حکومت سے کئی سوال پوچھے گا وہیں حکومت اس اجلاس میں کئی بل منظور کرائے گی۔ اس اجلاس میں 17 بل پارلیمنٹ میں پیش کئے جائیں گے جن میں سے تین ایسےبل بھی ہیں جن پر حال ہی آر ڈیننس لائے گئے تھے اور ضابطوں کے مطابق اجلاس شروع ہونے کے بعد آرڈیننس کی جگہ پر کو یا تو 42 دنوں میں یا 6 ہفتوں میں بل لانا اور اس کو منظور کرانا ضروری ہے نہیں تو قانونی طور پر یہ لاگونہیں رہ سکتا۔

حزب اختلاف کئی مدوں پر حکومت کو گھیرے گا جس میں سب سے زیادہ نمایا کورونا وبا کی دوسری لہر کے دوران ہوئی بد انتظامی کا مدارہے گا۔پیٹرول اور ڈیزل کی قیمتوں میں مستقل اضافہ تو ایک بڑا مدا ہے ہی لیکن اس اضافہ کی وجہ سےدیگر اشیاء کی قیمتوں میں ہوئے اضافہ کو بھی زور شور سےاٹھایا جائے گا۔ حزب اختلاف چین اور ملک کی خارجہ پالیسی پر بھی سوال اٹھائے گا۔ اتر پردیش میں بڑھتی لا قانونیت کامداٹھایا جائے گا جس میں بلاک پرمکھ اور ضلع پنچایت کےانتخابات میں ہوئےمبینہ تشدداور دھاندلی کےمدے کو بھی حزب اختلاف اٹھائےگا۔