فائل تصویر آئی اے این ایس
جموں و کشمیر کے شوپیاں میں ہفتہ یعنی 18 مئی کو دہشت گردوں نے ایک سابق سرپنچ کو گولیوں سے مار دیا۔ شوپیاں کے ہیر پورہ علاقے میں دہشت گردوں نے بی جے پی کے ایک سابق سرپنچ کو نشانہ بنا کر قتل کر دیا۔ خیال کیا جا رہا ہے کہ دہشت گردوں نے یہ واقعہ ٹارگٹ کلنگ کے طور پر انجام دیا ہے۔
Published: undefined
متوفی سابق سرپنچ کی شناخت اعجاز احمد شیخ کے طور پر کی گئی ہے۔ احمد شیخ کا تعلق بی جے پی سے تھا۔ دہشت گرد سابق سرپنچ پر گولیاں برسانے کے بعد فرار ہوگئے۔ اس دوران واقعے کے بعد احمد شیخ کو اسپتال لے جایا گیا۔ جہاں ڈاکٹروں نے اسے مردہ قرار دے دیا۔ معلومات کے مطابق اعجاز احمد شیخ دہشت گردانہ حملے میں بری طرح زخمی ہو گئے تھے۔ تاہم اسے فوری طور پر ہسپتال لے جایا گیا لیکن وہ شدید زخموں کی تاب نہ لاتے ہوئے دم توڑ گیا۔
Published: undefined
نیوز پورٹل ’اے بی پی‘ پر شائع خبر کے مطابق ایک اور دہشت گردانہ حملے میں کشمیر کے اننت ناگ علاقے میں دو سیاح زخمی بھی ہوئے۔ پولیس حکام نے بتایا کہ دہشت گردانہ حملے میں جے پور کی ایک خاتون اور اس کا شوہر زخمی ہو گئے۔ ان سیاحوں پر اننت ناگ ضلع کے ینار علاقے میں دہشت گردوں نے حملہ کیا۔
Published: undefined
حکام نے بتایا کہ دونوں سیاحوں کی شناخت فرحہ اور تبریز کے نام سے ہوئی ہے۔ دونوں کو قریبی اسپتال میں داخل کرایا گیا ہے۔ حملے کے بعد پولیس نے دہشت گردوں کو پکڑنے کے لیے علاقے کو گھیرے میں لے لیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined