عمر عبداللہ نے بی جے پی کی سخت تنقید کی

سرینگر: نیشنل کانفرنس کے کارگزار صدر اور جموں و کشمیر کے سابق وزیر اعلی عمر عبداللہ نے کرناٹک میں کانگریس اور جنتا دل (سیکولر) کے اتحاد کو بھارتیہ جنتا پارٹی ( بی جے پی ) کے ذریعہ ’ناپاک ‘کہے جانے پر بی جے پی کو تنقید کا نشانہ بناتے ہوئے اس کے پیوپلز ڈیموکریٹک فرنٹ (پی ڈی پی ) اتحاد پر سوال اٹھایا ہے۔

عبداللہ نے مائکرو۔ بلاگنگ سائٹ ٹوئٹر پر کہا ’’بی جے پی نے اکثر کانگریس۔جنتا دل ( ایس) اتحاد کو ’ناپاک اتحاد‘ قرار دیا ہے۔ اس کے لئے بہتر یہ ہوگا کہ وہ پی ڈی پی کے ساتھ اپنے اتحاد کی وضاحت کرے۔‘‘

قابل غور ہے کہ جموں و کشمیر میں دفعہ 370 کے علاوہ مختلف اشوز پر اختلاف کے باوجود یہاں بی جے پی اور پی ڈی پی اتحاد کی حکومت قائم ہے۔