مودی ملک میں پہلے قانون وانصاف کاراج قائم کریں ،سابق ایم پی انور علی

کل انجمن اسلام میں پسماندہ مسلمانوں کے تاریخی اجلاس میں اس بات کا اظہار کیا گیا کہ پسماندہ یاپچھڑے ہوئے مسلمانوں کی ہمدردی کے بجائے پہلے وزیراعظم نریندر مودی ملک میں پہلے قانون وانصاف کاراج قائم کریں۔

اس موقع پر آل انڈیا پسماندہ مسلم محاذ کے صدر و سابق رکن پارلیمنٹ علی انور انصاری نے کہا کہ وزیر اعظم نریندر مودی جی صحیح معنوں میں اگر پسماندہ مسلمانوں سے تھوڑی سی بھی ہمدردی رکھتے ہیں تو سب سے پہلے ان کو ملک میں قانون و انصاف کا راج قائم کیا جانا چاہیے۔

انہوں نے یہ بھی کہا کہ اس کے لئے انہیں مسلمانوں کو ٹارگیٹ کر کے ماب لنچنگ اور نفرتی بیانوں پر روک لگانے کے لیے ایک بیان دینا چاہیئے ۔ انہیں دلت مسلمانوں ، دلت عیسائیوں کو شیڈول کاسٹ کا درجہ فراہم کرانا ہوگا، اس کیلئے انہیں پورے ملک میں ذات پر مبنی مردم شماری کرانی ضروری ہے ۔

انور علی ے کہاکہ ملک کے فرقہ وارانہ ماحول کو سازگار بنانے کیلئے انہیں این آر سی اور سی اے اے کے نام پر مسلمانوں کو ٹارگیٹ کرنے کا ارادے سے باز آنا چاہیئے ۔ مسلمانوں کی نبی ﷺ کی شان میں گستاخی کرنے والوں کو فوراً گرفتار کر کے جیل بھیجنا چاہیئے ۔ انورعلی انصاری آج یہاں ممبئی چھترپتی شیواجی مہاراج ٹرمینس میں واقع انجمن اسلام میں مسلم دانشوروں کی ایک میٹنگ سے خطاب کر رہے تھے ۔انہوں نے اس اجلاس کے منعقد کرنے کیلئے انجمن اسلام کیلئے صدر انجمن اسلام ڈاکٹر ظہیر قاضی کا خصوصی طور پر شکریہ اداکرتے ہوئے کہا کہ آل انڈیا مومن کانفرنس کے ذریعہ منعقدہ اس اجلاس کیلئے ڈاکٹر ظہیر قاضی صاحب نے بھرپور تعاون دیا۔ اس میٹنگ کا انعقاد آل انڈیا مومن کانفرنس مہاراشٹر یونٹ کے جنرل سکریٹری پرویز انصاری صاحب نے کیا تھا ۔ میٹنگ کی صدارت ڈاکٹر عبدالقدیر (شاہین گروپ آف انسٹی ٹیوشن )نے کی ۔

انہوں نے کہاکہ آج کایہ اجلاس قابل ستائش ہے ،ہمیں تعلیمی طورپر پسماندہ طبقات پر خصوصی توجہ دینا چاہئیے۔مسلمانوں کی ہی نہیں بلکہ دیگر پسماندہ طبقات کی فلاح و بہبود کے لیے ہمیں اہم اور جامع منصوبہ بندی کرنی ہے۔

آل انڈیا او بی سی کے صدر اقبال انصاری اور عبدالمجید قریشی (ایڈوکیٹ )، اقبال میمن ، رئیس احمد (رساج کے چیئرمین )،فاضل انصاری ، عبدالمتین خان (کوکن کمیونٹی فورم )، ظہیر الدین انصاری (بابر )، شمش الدین انصاری ، شاکر انصاری (سابق میونسپل کونسلر )، منیر بھائی (چھیپا جماعت )،فیاض مومن ،خورشید صدیقی (سلمانی )، شکیل پاپا (کونسلر بھیونڈی )، شکیل شاہین(دھولیہ ) نے اجلاس کو خطاب کیا ۔ اجلاس میں یہ طئے کیا گیا کہ ریاست کے مختلف علاقوں میں اس طرح کے اجلاس ، سمّیلن کیئے جائیں تاکہ پسماندہ مسلمانوں کے بیچ اپنے حق و حقوق کو لیکر بیداری آسکے۔