بجٹ 2022 میں تعلیم کے لیے کچھ بھی نہیں، طلبا کے قرض پر 3 سال کی ای ایم آئی معاف ہو: این ایس یو آئی

مرکزی وزیر مالیات سیتارمن نے یکم فروری کو جو بجٹ پیش کیا، اس کو لے کر طلبا و طلبا تنظیمیں پرامید تھیں، لیکن انھیں مایوسی ہاتھ لگی۔ کانگریس کی طلبا تنظیم این ایس یو آئی نے بجٹ کو انتہائی مایوس کن قرار دیتے ہوئے کہا کہ تعلیمی بجٹ میں طلبا کو راحت دینے کی جگہ صرف ہیڈلائن اور تقریر تھی۔

این ایس یو آئی کے قومی صدر نیرج کندن نے ایک ٹوئٹ میں کہا کہ صنعت کاروں کو راحت دینا حکومت کو یاد رہا، لیکن طلبا کی فیس میں کوئی راحت نہیں دی گئی۔ حکومت غریب طلبا کی طرف دیکھنا بالکل ہی بھول گئی ہے۔ انھوں نے سوال اٹھایا کی اسکالرشپ اور فیلوشپ وقت پر کیسے ملے گی، گزشتہ دو سال سے حکومت نیشنل ریسرچ فاؤنڈیشن کے فنڈ کا منصوبہ بنا رہی ہے لیکن اب تک اسے دے نہیں پائی ہے نہ ہی وہ کیسے ملے گی اس کا کوئی منصوبہ سامنے آیا ہے۔

نیرج کندن کا کہنا ہے کہ پورے بجٹ میں کئی بار ڈیجیٹل لفظ کا استعمال کیا گیا لیکن حکومت یہ نہیں بتا پا رہی کہ اسکولوں و کالجوں میں کمپیوٹر اور لیپ ٹاپ کیسے پہنچائے گی، طلبا کے ہاتھوں میں اسمارٹ فون ورڈ ٹائپ دینے پر کوئی منصوبہ کیوں نہیں بنایا گیا۔ ایک ٹوئٹ میں نیرج کندن نے کہا کہ 12ویں تک علاقائی زبان میں تعلیم کو ہیڈ لائن بنا دیا گیا، لیکن اس کے بعد اس میں کیریر کس طرح بنایا جائے گا اس سلسلے میں کوئی تفصیلی جانکاری نہیں ہے۔

نیرج کندن نے کہا کہ حکومت بے روزگاری کے مسئلہ پر کوئی بھی منصوبہ لانے میں سنجیدہ نہیں نظر آ رہی۔ مقابلہ جاتی امتحانات کے سسٹم کو بہتر و محفوظ کرنے کے لیے بھی بجٹ میں کچھ نہیں کہا گیا ہے۔ انھوں نے کہا کہ یہ حکوم تعلیم سے دور ہوتی جا رہی ہے اور طلبا کو بھی اس سے دور رکھنا چاہتی ہے۔ طلبا تک کھوکھلے بجٹ کو پہنچایا جائے گا اور تحریک کر ان کے مطالبات کو حکومت کے سامنے رکھا جائے گا۔ پورے ملک سے طلبا نے بجٹ کے بعد یہ فیڈ بیک دیا ہے کہ وہ اس بجٹ سے بہت مایوس ہیں۔