ملکارجن کھڑگے / تصویر: آئی اے این ایس
کانگریس کے قومی صدر ملکارجن کھڑگے نے آج ایک بار پھر اس بات کا اعادہ کیا ہے کہ مرکز میں بی جے پی کی حکومت نہیں بنے گی بلکہ انڈیا الائنس مکمل اکثریت کے ساتھ حکومت بنائے گی۔ اڈیشہ کے بھونیشور میں ایک پریس کانفرنس سے خطاب کرتے ہوئے انہوں نے بی جے پی وبی جے ڈی پر براہ راست حملہ کیا اور ان دنوں کو ملک و ریاست کے لیے نقصاندہ بتایا۔
Published: undefined
کانگریس کے قومی صدر نے کہا کہ نوین پٹنائک گزشتہ 24 سالوں سے اڈیشہ کے وزیر اعلیٰ ہیں، جس میں وزیر اعظم نریندر مودی گزشتہ دس سالوں سے ان کی حمایت کر رہے ہیں۔ ان دونوں نے درپردہ متحد ہوکر ایک دوسرے کی حکومتوں کو مدد کرنے کی جو کوشش کی اس کا فائدہ عوام کو نہیں ہوا۔ ہم نے سوچا کہ وہ اڈیشہ کی بہتری کے لیے ایک ساتھ کھڑے ہیں لیکن ہماری سوچ غلط تھی۔ اب بی جے پی اور بی جے ڈی میں جس طرح عوامی لڑائی چل رہی ہے، وہ اڈیشہ کے لیے قطعاً مناسب نہیں ہے۔
Published: undefined
ملکارجن کھڑگے نے کہا کہ اڈیشہ میں بہت سارے قدرتی وسائل ہیں جو بڑی بڑی فیکٹریوں میں استعمال ہوتے ہیں۔ یہاں کے وسائل سے باہر کی فیکٹریوں میں روزگار کے مواقع پیدا ہوتے ہیں لیکن یہاں کے لوگوں کو کچھ نہیں ملتا۔ اگر اس صورتحال کو بدلنا ہے تو ریاستی اور مرکزی دونوں حکومتوں کو بدلنا ہوگا۔ کانگریس کے قومی صدر نے کہا کہ اڈیشہ حکومت چٹ فنڈ اور کان کنی گھوٹالوں کی وجہ سے ایک بدعنوان حکومت کے طور پر جانی جاتی ہے۔ اس لیے اس بار بی جے ڈی کو موقع نہیں ملے گا۔ اڈیشہ میں مہنگائی اور شدید بے روزگاری ہے۔ آئی ایل او کی رپورٹ کے مطابق اڈیشہ میں 41 فیصد بے روزگاری ہے لیکن اڈیشہ حکومت نے اس پر کوئی توجہ نہیں دی ہے۔ اڈیشہ کو برباد کرنے میں بی جے پی اور بی جے ڈی کا برابر کا حصہ ہے۔ اڈیشہ میں کانگریس پارٹی مضبوط پوزیشن میں ہے اور کانگریس ریاست کے لوگوں کو انصاف دلائے گی۔
Published: undefined
ملکارجن کھڑگے نے کہا کہ کانگریس نے لوک سبھا انتخابات کے لئے پانچ انصاف اور 25 گارنٹیاں پیش کی ہیں۔ کانگریس نے نوجوانوں کے انصاف، خواتین کے انصاف، کسانوں کے انصاف، مزدوروں کے انصاف اور حصہ داری کی گارنٹیاں دی ہیں۔ کانگریس ذات پر مبنی مردم شماری بھی ضرور کرائے گی۔ کانگریس نے فوڈ سیکورٹی ایکٹ بنایا، تعلیم کا حق دیا اور دیہی روزگار کے لیے منریگا شروع کیا۔ کانگریس نے ان کی گارنٹی نہیں دی لیکن یہ سب کیا۔ جب مرکز میں انڈیا الائنس حکومت برسراقتدار آئے گی تو غریبوں کو دس کلو مفت راشن دیا جائے گا اور تمام گارنٹیاں پوری کی جائیں گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined