کانگریس کا مارچ: راہل گاندھی سمیت کئی رہنما گرفتار

کانگریس صدر راہل گاندھی نے آج یہ اندیشہ ظاہر کردیا کہ ملک کے بڑے تاجر انل امبانی ہندوستان چھوڑ کر بھاگ سکتے ہیں۔ گاندھی نے لودھی روڈ تھانے کے سامنے نامہ نگاروں سے کہا کہ ’’...شاید اب انل امبانی بھی بھاگ جائیں۔‘‘ راہ گاندھی نے سی بی آئی ڈائریکٹر آلوک ورما کو چھٹی پر بھیجے جانے کے فیصلے کے خلاف اپنی احتجاجی گرفتاری پیش کی۔

راہل نے کہا کہ اصل واقعہ یہ ہے کہ وزیر اعظم نریندر مودی نے (رافیل سودے میں) انل امبانی کی مدد کی ہے۔ راہل سی بی آئی ڈائریکٹر آلوک ورما کے خلاف مبینہ منمانی کارروائی پر حکومت کے خلاف کانگریس کے احتجاج کی قیادت کررہے تھے۔

وزیر اعظم نریندر مودی پر نشانہ لگاتے ہوئے مسٹر گاندھی نے کہا کہ مسٹر مودی رافیل سودے سے متعلق حقائق کی پردہ پوشی کرنا چاہتے تھے اور سی بی آئی کے سربراہ کے خلاف اسی لئے کارروائی کی۔ انل امبانی کے30 ہزار کروڑ روپے کے منافع کے نظم میں وزیر اعظم نے مدد کی تھی۔ گاندھی نے اس موقع پر بینکوں کے ساتھ دھوکہ دہی کرنے والے وجے مالیہ اور نیرومودی کی مثالیں بھی دیں۔

سی بی آئی ہیڈکوارٹر پر دن میں تقریباً گیارہ بجے شروع ہوئے دھرنا اور مظاہر ہ میں کانگریس کے صدر تقریباً دو گھنٹے سے زیادہ وقت تک شامل رہے اور اس کے بعد راہل گاندھی کے سینئر لیڈر احمد پٹیل، ہریانہ کے سابق وزیر اعلی بھوپندر سنگھ ہڈا، پارٹی کے لیڈر دیپندر ہڈا، پارٹی کے اعلی ترجمان رندیپ سنگھ سرجے والا، پارٹی کے جنرل سکریٹری اشوک گہلوت اور پرمود تیواری سمیت کئی لیڈروں کو حراست میں لے لیا گیا۔

اس سے پہلے راہل گاندھی نے کہا کہ وزیر اعظم نریندر مودی رافیل گھپلے میں جیل جانے کے ڈر سے سی بی آئی پر حملہ کررہے ہیں۔ انہوں نے کہا’’ ملک کا چوکیدار سی بی آئی، الیکشن کمیشن، لوک سبھا اور اسمبلیوں سمیت تمام اداروں پر حملہ کررہے ہیں۔ ‘‘ انہوں نے کہا کہ ترنمول کانگریس سمیت تمام اپوزیشن پارٹیاں حکومت کے اس غیر آئینی اقدام کی مخالفت کرتے رہے ہیں۔ اس مظاہرہ میں سی پی آئی کے ڈی راجا اور جنتا دل یو کے سابق رہنما شرد یادو بھی موجود تھے۔

(یو این آئی)

میڈیا سے بات کرے ہوئے راہل گاندھی نے کہا، ’’وزیر اعظم بھاگ سکتے ہیں، چھپ سکتے ہیں لیکن آخر کار سچائی سب کے سامنے آ جائے گی۔

وزیر اعظم مودی نے گھبراہٹ میں سی بی آئی سربراہ کے خلاف کارروائی کی، انہیں برطرف کرنے سے بھی مودی کا کوئی فائدہ نہیں ہوگا۔‘‘

سی بی آئی بحران کے خلاف کانگریس کے احتجاجی مظاہرہ کے تحت دہلی کے دیال کالج سے سی بی آئی کے صدر دفتر تک راہل گاندھی کی قیادت میں کانگریس نے مارچ نکالا۔ اس دوران پولس نے راہل گاندھی سمیت دیگر کانگریس رہنماؤں کو حراست میں لے لیا۔ راہل کے علاوہ اشوک گہلوت، پرمود تیواری سمیت دیگر کانگریس رہنماؤں کو بھی حراست میں لیا گیا ہے۔ حراست میں لینے کے بعد کانگریس رہنماؤں کو لودھی اسٹیٹ پولس اسٹیشن لے جایا جا رہا ہے۔

دہلی کے دیال کالج سے سی بی آئی کے صدر دفتر کی جانب کانگریس نے مارچ نکالنا شروع کر دیا ہے۔ کانگریس کے صدر راہل گاندھی بھی مارچ میں پہنچ گئے ہیں مارچ کی قیادت کر رہے ہیں۔

دہلی کے دیال سنگھ کالج سے سی بی آئی کے دفتر کی طرف کانگریس کا مارچ شروع ہو گیا ہے۔ کچھ ہی دیر میں راہل گاندھی مارچ میں شرکت کرنے والے ہیں۔ مارچ میں کانگریس رہنما آنند شرما، سی پی آئی کے ڈی راجا اور شرد یادو بھی شامل ہیں۔

سی بی آئی کے لکھنؤ واقع دفتر کے باہر بھی کانگریس کا احتجاج چل رہا ہے۔ لکھنؤ میں ہو رہے مظاہرہ میں کانگریس رہنما راج ببر بھی شامل ہیں۔

سی بی آئی کے سربراہ آلوک ورما کی برطرفی کے خلاف ملک بھر میں کانگرس کا احتجاج جاری ہے۔ بہار کی راجدھانی پٹنہ، کرناٹک کے بنگلورو اور تمل ناڈو کے چنئی میں کانگریس کا احتجاج کیا جا رہا ہے۔

دہلی میں دیال سنگھ کاجل کے باہر بڑی تعداد میں کانگریس کارکنان جمع ہو گئے ہیں۔ کچھ ہی دیر میں کانگریس کا مارچ سی بی آئی کے صدر دفتر کی جانب کوچ کرے گا۔ کانگریس کے رہنما جے ویر شیرگل نے کہا کہ رافیل کا کھیل کرنے والی مودی-شاہ کی جوڑی گھبرائی ہوئی ہے، اسی لئے راتوں رات سی بی آئی کو توڑنے کا فیصلہ کیا گیا۔

سی بی آئی سربراہ آلوک ورما کو مودی حکومت کی جانب سے چھٹی پر بھیجے جانے کے خلاف آج کانگری ملک گیر احتجاج کر ہے ہے۔ کانگریس کا الزام ہے کہ آلوک ورما رافیل سودے سے وابستہ کاغذت جمع کر رہے تھے اور جل دہی اس معاملہ کی جانچ کا حکم دینے والے تھے۔ کانگریس کے مطابق جیسے ہی حکومت کو اس بات کی خبر لگی اس نے آدھی رات کو آلوک ورما کو ہٹا دیا۔

کانگریس کارکنان احتجاج کے دوران دہلی میں واقع سبی بی آئی کے اہم دفتر اور ریاستوں کی راجدھانیوں میں سی بی آئی دفاتر کے سامنے مظاہرہ کریں گے۔

دریں اثنا راہل گاندھی نے ٹوئٹ کر کے لوگوں سے کانگریس کے احتاج میں شامل ہونے کی اپیل کی ہے۔ راہل گاندھی نے لکھا ’’صبح 11 بجے ہم لودھی روڈ کے دیال سنگھ کالج سے سی بی آئی صدر دفتر تک مارچ نکالیں گے، لوگوں سے پہنچے کی اپیل ہے۔ وزیر اعظم کی طرف سے رافیل غھوٹالہ کی تفتیش کو روکنے کے مقصد سے جابرانہ اور غیر آئینی طریقہ سے سی بی آئی سربراہ کو ہٹا دیا۔ اسی طرح کے مظاہرہ ملک بھر میں کئے جائیں گے۔‘‘

کانگریس کے سی بی آئی کے صدر دفتر پر مظاہرہ کے پیش نظر حفاظت کے انتظامات پختہ کر دئے گئے ہیں۔ کانگریس کے ساتھ ٹی ایم سی رہنما بھی اس مظاہرہ میں شامل ہوں گے۔