راہل گاندھی / ویڈیو گریب
پونے میں مہنگی بیرون ملکی کار سے ہوئے سڑک حادثے کا تذکرہ کرتے ہوئے منگل کی شام راہل گاندھی نے ایک ویڈیو پیغام جاری کیا۔ کانگریس کے ایکس ہینڈل پر شیئر اس ویڈیو میں راہل گاندھی نے کہا کہ ’’بس ڈرائیور، ٹرک ڈرائیور، اولا، اوبیر، آٹو ڈرائیور اگر غلطی سے کسی کو مار دیتے ہیں تو 10 سال جیل کی سزا ہو جاتی ہے وار چابی اٹھا کر وہ پھینک دیتے ہیں۔ اگر امیر گھر کا 16 سال کا، 17 سال کا بیٹا پورش گاڑی کو شراب پی کر چلاتا ہے اور دو لوگوں کا قتل کرتا ہے تو اسے کہا جاتا ہے کہ مضمون لکھ دو۔ ٹرک ڈرائیور، بس ڈرائیور سے مضمون کیوں نہیں لکھواتے۔ اوبیر ڈرائیور، آٹو ڈرائیور سے کیوں نہیں لکھواتے۔‘‘
Published: undefined
راہل گاندھی کا کہنا ہے کہ نریندر مودی سے جب یہ سوال کیا گیا کہ دو ہندوستان بن رہے ہیں، ایک ارب پتیوں کا اور دوسرا غریبوں کا، تو ان کا جواب ہوتا ہے کہ کیا میں سب کو غریب بنا دوں۔ سوال یہ نہیں ہے، سوال انصاف کا ہے۔ امیروں کو، غریبوں کو، دونوں کو انصاف ملنا چاہیے۔ انصاف سب کے لیے یکساں ہونا چاہیے۔ اس لیے ہم لڑ رہے ہیں، ہم ناانصافی کے خلاف لڑ رہے ہیں۔
Published: undefined
واضح رہے کہ مہاراشٹر کے پونے میں ایک نابالغ نے شراب پی کر اپنی پورش کار سے دو آئی ٹی انجینئرس (ایک مرد اور ایک خاتون) کو کچل دیا۔ حادثہ اتنا سنگین تھا کہ دونوں کی جائے حادثہ پر ہی موت ہو گئی۔ راہل گاندھی نے منگل کی شام اسی حادثہ کا ذکر کرتے ہوئے مذکورہ بالا باتیں کہیں۔ پونے پولیس نے نابالغ کے والد کو اس معاملے میں گرفتار کیا ہے۔ بتایا جا رہا ہے کہ جس پَب میں نابالغ نے شراب پی تھی، اس کے مالک اور منیجر بھی گرفتار کیے جا چکے ہیں۔ حالانکہ ملزم نابالغ کو عدالت نے حادثہ کے تعلق سے مضمون لکھنے سمیت کچھ دیگر شرائط پر ضمانت دے دی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined