ایم پی کی سرکاری نوکریاں صرف ایم پی والوں کے لئے، قانون سازی جلد: شیوراج چوہان

بھوپال: مدھیہ پردیش کے وزیر اعلیٰ شیوراج سنگھ چوہان نے اعلان کیا ہے کہ ایم پی کی سرکاری نوکریاں اب صرف انہی لوگوں کو دی جائیں گی جو یہاں کے رہنے والے ہیں۔ انہوں نے کہا ہے کہ اس حوالہ سے مطلوبہ قانون سازی جلد ہی کر لی جائے گی۔شیو راج چوہان نے کہا کہ میرے عزیر اپنے ہموطنوں، اپنے بھانجے، بھانجیوں کے مفاد کے مد نظر ہم نے یہ فیصلہ کیا ہے کہ مدھیہ پردیش میں سرکاری نوکریاں اب صرف مدھیہ پردیش کے بچوں کو ہی دی جائیں گی، اس کے لئے ضروری قانون التزام کیا جا رہا ہے۔ صوبہ کے وسائل پر صوبہ کے بچوں کا حق ہے۔

قابل غور بات یہ ہے کہ ریاست کی 27 اسمبلی نشستوں پر ضمنی انتخابات ہونے جا رہے ہیں۔ اسمبلی کے ضمنی انتخاب سے قبل سی ایم شیوراج سنگھ چوہان کئی اعلانات کر رہے ہیں۔ اس سے قبل شیوراج نے اعلان کیا تھا کہ وہ قبائلیوں کو ساہوکاروں کے چنگل سے بچانے کے لئے ایک نیا قانون لا رہے ہیں۔

شیوراج حکومت کی طرف سے آنے والے نئے قانون کے تحت 15 اگست 2020 تک 89 درج قبائلی علاقوں میں قبائل سے تعلق رکھنے والے افراد کو بغیر لائسنس یافتہ منی قرض دہندہ سے لیا گیا قرض واپس نہیں کرنا پڑے گا۔ اب ساہوکار قرض واپس کرنے کے لئے ان پر دباؤ نہیں ڈالیں گے۔ اس کے علاوہ اگر قرض کے بدلے میں کسی سامان یا دستاویزات کا عہد کیا گیا ہے تو وہ بھی واپس کرنا پڑے گا۔