تصویر آئی اے این ایس
وزیر اعظم نریندر مودی2024کے لوک سبھا انتخابات کی انتخابی مہم میں اپنی جانب سے کوئی کثر نہیں چھوڑ رہے ہیں ۔وزیر اعظم نریندر مودی 24 مئی کو ہماچل پردیش کے منڈی میں ایک ریلی سے خطاب کریں گے جہاں سے بھارتیہ جنتا پارٹی (بی جے پی) کی امیدوار اور فلم اداکارہ کنگنا رناوت اپنی قسمت آزما رہی ہیں۔ اس کے علاوہ نریندر مودی اسی دن ناہن میں بھی جلسہ سے خطاب کریں گے۔
Published: undefined
بی جے پی کے ریاستی صدر ڈاکٹر راجیو بندل نے ناہن میں میٹنگ کی اور اس میٹنگ میں وزیر اعظم نریندر مودی کی آنے والی ریلی کے بارے میں تفصیلی بات چیت ہوئی، ریلی 24 مئی کو ناہن میں طے کی گئی ہے۔اس موقع پر ڈاکٹر بندل نے کہا کہ ہماچل پردیش میں وزیر اعظم نریندر مودی کی زبردست ریلی ہونےو الی ہے۔ یہ ریلی 24 تاریخ کو دو مقامات ناہن اور منڈی میں ہوگی۔
Published: undefined
واضح رہے منڈی سے بی جے پی کی امیدوار کنگنا رناوت ہیں اور ان کا مقابلہ کانگریس کے ہماچل کے وزیر وکرمادتیہ سنگھ سے ہے اور یہاں کافی کانٹے کی ٹکر بتائی جا رہی ہے۔ ہماچل میں چھہ اسمبلی سیٹوں پر بھی انتخابات ہونے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined