مودی حکومت کی قومی سلامتی کی پالیسی اپنی پیٹھ تھپتھپانے کے بجائے سخت اقدام کرنے کی ہونی چاہیے: کھڑگے

کانگریس کے قومی صدر ملکارجن کھڑگے نے جموں و کشمیر کے اننت ناگ میں دہشت گردانہ حملے میں فوج کے دو جوانوں کی موت پر خراج عقیدت پیش کرتے ہوئے مودی حکومت کو تنقید کا نشانہ بنایا ہے۔ انہوں نے جموں و کشمیر میں مسلسل ہو رہے دہشت گردانہ واقعات اور فوج کے جوان کی اموات پر گہری تشویش کا اظہار کرتے ہوئے سوشل میڈیا پر لکھا ہے کہ "مودی حکومت کی قومی سلامتی کی پالیسی خود کی تعریف کرنے کے بجائے سخت اقدام اٹھانے کی ہونی چاہیے۔"

ملکارجن کھڑگے نے جوانوں کی اموات پر اپنے پوسٹ میں کہا کہ "ہمارے بہادر جوانوں کی شہادت کو سلام اور ان کے غمگین خاندان کے لیے میری گہری ہمدردی"۔ ساتھ ہی انہوں نے دہشت گردانہ حملے میں زخمی ہونے والوں کی جلد صحت یابی کی تمنا بھی کی۔ واضح ہو کہ اس سے قبل بھی اپوزیشن کی جماعتیں جموں و کشمیر میں بڑھتے دہشت گردانہ واقعات کے لیے مودی حکومت کو قصور قرار دیتے ہوئے اس سلسلے میں سخت کارروائی کرنے کا مطالبہ کرتی رہی ہیں۔