عوام کو بنیادی طبی سہولیات مہیا کرانی بھول گئے مودی: دگوجے

بھوپال: مدھیہ پردیش کی بھوپال پارلیمانی سیٹ سے کانگریس امیدوار دگ وجے سنگھ نے مرکزی حکومت پر الزام عائد کیا ہے کہ وزیر اعظم نریندر مودی ملک کی 70 فیصد آبادی کو بنیادی طبی سہولیات مہیاکرانے بھول گئے۔

سنگھ نے ٹوئٹر پر اپنے سوالات کرتے ہوئے کہا کہ قومی صحت تحفظ اسکیم کے نام پر اپنی پیٹھ تھپتھانے والی حکومت کی ’ايشمان‘ اسکیم صرف ثانوی طبی خدمات پر توجہ دیتی ہے۔ مودی 70 فیصد ہندوستانیوں کو بنیادی طبی سہولیات مہیاکرانا کیوں بھول گئے۔

انہوں نے کہا کہ سال 2014 سے 2019 کے درمیان 40 فیصد آبادی کو صحت بیمہ دینے کے لئے محض دو ہزار کروڑ روپے مختص کئے گئے۔ ایک شخص کے علاج کے لئے سال بھر میں صرف 40 روپے، حکومت نے یہ نمائشی اسکیم کیوں بنائی ہے۔ سنگھ نے مدھیہ پردیش میں بھی طبی خدمات کے نجکاری کا الزام لگایا۔