ریاستیں سامان یا افراد کی آمد و رفت پر روک نہیں لگا سکتیں: وزارت داخلہ

کچھ ریاستوں اور اضلاع کے ذریعہ لوگوں اور سامان کے مقامی سطح اور ایک سے دوسری ریاست میں آمدورفت پر روک لگائے جانے کی رپورٹوں کو سنجیدگی سے لیتے ہوئے وزارت داخلہ نے واضح کیا ہے کہ اس طرح کی رپورٹ ان لاک-3 کے تعلق سے جاری کی گئی ہدایات کی خلاف ورزی ہے۔

مرکزی داخلہ سیکریٹری نے آج سبھی ریاستوں اور مرکز کے زیراہتمام علاقوں کے داخلہ سیکریٹریوں کو خط لکھ کر کہا ہےکہ وہ ریاستوں کے اندر اور ایک ریاست سے دوسری ریاست میں لوگوں کے اور سامان کے آمدورفت پر پابندی نہیں لگاسکتے۔

انہوں نے اس خط میں کورونا وبا کے پیش نظر نافذ لاک ڈون سے باہر نکلنے کے لیے ان لاک -3 کے اعلان کی ہدایات کے پیرا پانچ کا ذکر کرتے ہوئے کہا ہے کہ اس میں واضح طور سے لکھا ہوا ہے کہ کوئی بھی ریاست مقامی سطح پر اور ایک سے دوسری ریاست میں لوگوں اور سامان کی آمدورفت پر اپنی جانب سے پابندی نہیں لگا سکتی۔یہ بھی صاف لکھا ہے ہوا ہے کہ آمدورفت کے لیے لوگوں کو الگ سے منظوری لینے یا ای پاس لینے کی ضرورت نہیں ہوگی۔

مرکزی داخلہ سیکریٹری نے کہا ہے کہ کچھ ریاستوں کے ذریعہ اس طرح کی پابندی نافذ کیے جانے کی رپورٹ ہے جس سے سامان کی فراہمی چین متاثر ہورہی ہے۔اس کا اثر معاشی سرگرمیوں اور روزگار پر پڑرہا ہے۔انہوں نے تمام ریاستوں سے اس طرح کی پابندی نہ لگانے کی درخواست کی ہے اور کہا ہے کہ وزارت داخلہ کی ہدایات پر پیروی کو یقینی بنایا جانا چاہیے۔