طوفان کا خطر ہ ٹلتے ہی ممتا بنرجی سیاسی پروگراموں میں سرگرم

کلکتہ: فانی طوفان کا خطرہ ختم ہوجانے کے بعد وزیرا علیٰ ممتا بنرجی نے ایک بار پھر انتخابی مہم میں مشغول ہوگئی ہیں۔ وزیرا علیٰ نے کھٹال میں روڈ شو کیا۔ وزیرا علیٰ کے ساتھ پارٹی امیدوار اور بنگلہ فلموں کے سپراسٹار دیو بھی موجود تھے۔

وزیرا علیٰ ممتا بنرجی نے ”فانی“ طوفان کی وجہ سے اپنے تمام سیاسی پروگرام کو رد کردیا تھا تاکہ ریلیف کے کاموں نگرانی کی جاسکے۔وزیرا علیٰ نے چندرا کونا اور کھٹال میں دو روڈ شو کیا۔روڈ شو سے قبل وزیرا علیٰ نے چندر کونا میں لوگوں سے بات چیت کی۔یہ علاقہ آرام باغ علاقے میں واقع ہے۔وزیرا علیٰ نے کہا کہ میں سمجھتی ہوں کہ ماں درگا، ماں کالی اور اللہ و بھگوان کی خصوصی مہربانی کی وجہ سے بنگال میں بڑے پیمانے پر تباہی نہیں ہوئی۔

ممتا بنرجی نے کہا کہ گوپی بال پور، مدنی پور مغرب، بیل پہاڑیاور لال گڑھ میں کچھ مکانات منہدم ہوگئے ہیں۔حکومت ان مکانات کی دوبارہ تعمیرکرائے گی اس کے علاوہ جن کے مکانات کو نقصان پہنچا ہے اس کی بھی مدد کی جائے گی۔

ممتا بنرجی نے کہا کہ آپ خوف زدہ نہ ہوں، ایک ایسی پارٹی کو ووٹ نہ دیں جو عوام کے ساتھ کھڑے ہونے پر یقین نہ رکھیں اور جس کے پاس اخلاق و کردار کچھ بھی نہ ہو۔ممتا بنرجی نے کہا کہ ہم سیاست میں تہذیب وکلچر میں یقین رکھتے ہیں۔مگر بی جے پی نے تمام حدوں کو توڑ دیا ہے۔مگر ہم بنگالی کلچر کی بہر صورت حفاظت کریں گے۔

ممتا بنرجی نے کہا کہ عوام اب کھلے عام کہنے لگی ہے کہ مودی حکومت چوروں کی ہے اور چوکیدار چور ہے۔ممتا بنرجی نے کہا کہ بی جے پی نے نوٹ بندی کے نام پر لوگوں کے روپے لوٹ لیے ہیں۔کسان اور مزدور خودکشی کرنے لگے ہیں۔بے روزگار ی اپنے شباب پر ہیں،تیل کی قیمتوں میں بے تحاشااضافہ ہو اہے۔ممتا بنرجی نے مودی نے تمام آئینی اداروں کو منہدم کردیا ہے۔غنڈوں کی حکومت ہے، لوگوں پر جبر کیا جاتا ہے۔وزیرا علی نے عوام سے اپیل کی کہ ایک بھی ووٹ بی جے پی کو نہ دیں۔