کیرالہ میں عارضی پل گرنے سے متعدد افراد زخمی

انگریزی روزنامہ ’ہندوستان ٹائمس‘ میں شائع خبر کے مطابق پولیس نے بتایا کہ کیرالہ میں نیاتنکارا کے قریب پوور میں کرسمس کی تقریبات کے ایک حصے کے طور پر قائم کیا گیا ایک عارضی پل پیر کی رات منہدم ہو گیا جس سے متعدد افراد زخمی ہو گئے۔

ضلع کے ایک سینئر افسر نے بتایا کہ اس واقعہ میں 7-8 افراد زخمی ہوئے جن میں سے یک خاتون کی ٹانگ میں بڑا فریکچر ہوا ہے۔ انہوں نے کہا کہ "باقی کو صرف معمولی چوٹیں آئی ہیں،"۔ افسر نے بتایا کہ یہ واقعہ رات 9 بجے کے قریب اس وقت پیش آیا جب کئی افراد پل کے اوپر چڑھ گئے جو وزن برداشت نہیں کر سکا اور ایک طرف جھک گیا  اور وہاں کھڑے لوگوں کو گرا دیا۔

افسر نے بتایا کہ "عارضی پل لوگوں کے لیے ایک دیوار کے پار دوسری طرف جانے کے لیے بنایا گیا تھا تاکہ ایک آبشار اور پیدائش کا منظر دیکھا جا سکے جس میں یسوع کی پیدائش کے ساتھ ساتھ کرسمس کی تقریبات کے حصے کے طور پر دیگر سجاوٹ کو دکھایا گیا ہو"۔

انہوں نے کہا کہ پل زمین سے صرف پانچ فٹ اوپر تھا اور اس کا مقصد ایک وقت میں چند لوگوں کو سہارا دینا تھا۔ "تاہم، کئی افراد بیک وقت اس پر چڑھ گئے جس کے نتیجے میں یہ حادثہ پیش آیا،" افسر نے بتایا کہ زخمیوں کو قریبی ہسپتالوں میں منتقل کر دیا گیا ہے۔