سوشل میڈیا
ممبئی: این سی پی میں بغاوت کے بعد مہاراشٹر کی سیاست میں اتھل پتھل جاری ہے۔ دریں اثنا، این سی پی سے بغاوت کر مہاراٹر کی این ڈی اے حکومت میں شامل ہونے والے اجیت پوار کے ارکان اسمبلی شرد پوار سے ملاقات کے لیے پہنچ گئے۔ این سی پی کے سربراہ شرد پوار سے ملاقات کے لیے پہنچنے والے ارکان اسمبلی میں پرفل پٹیل، حسن مشرف اور دلیپ ولسے پاٹل شامل ہیں اور ملاقات ممبئی کے وائی بی چوہان سینٹر میں ہوئی۔
Published: undefined
اس سے پہلے اجیت پوار ممبئی میں اپنے چچا اور این ایس پی صدر شرد پوار کے گھر پہنچے تھے۔ گھر سے نکلنے کے بعد انہوں نے کہا کہ وہ چچی پرتیبھا پوار کا حال جاننے گئے تھے۔ حال ہی میں پرتیبھا پوار کے ہاتھ کی ایک نجی اسپتال میں سرجری ہوئی ہے۔
Published: undefined
اجیت پوار نے کہا کہ سیاست الگ ہے، خاندان ہمیشہ پہلے آتا ہے۔ میں نے اپنے ضمیر کی بات سنی اور چچی کی خیریت دریافت کرنے چلا گیا۔ این سی پی سے علیحدگی اور شیوسینا- بھارتیہ جنتا پارٹی کی حکومت میں دوسرے نائب وزیر اعلی کے طور پر شامل ہونے کے 15 دن بعد شرد پوار کے ساتھ یہ ان کی پہلی ملاقات تھی، جس سے سیاسی حلقوں میں کافی دلچسپی پیدا ہوئی۔
Published: undefined
انہوں نے کہا کہ انہوں نے اپنے چچا اور چچازاد بہن، بارامتی کی ایم پی سپریا سولے سے انتہائی خوشگوار ماحول میں ملاقات کی۔ تمام سیاسی افواہوں کو مسترد کرتے ہوئے وزیر اعلیٰ ایکناتھ شندے نے جمعہ کو دیر گئے کہا تھا کہ اجیت پوار اپنے خاندان سے ملنے گئے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined