فوٹو اسٹوری: راہل-سونیا سمیت ان قدآور لیڈران نے کی ووٹنگ

نئی دہلی: صدر رام ناتھ کووند ، کانگریس صدر راہل گاندھی، دہلی کے نائب وزیر اعلی منیش سسودیا اور سابق مرکزی وزیر اجے ماکن سمیت دیگر اہم سیاسی شخصیات نے اتوار کو اپنے ووٹ کے حق کا استعمال کیا۔ كووند نے راشرپتی بھون میں ایک پولنگ مرکز میں اپنا ووٹ ڈالا۔

راہل گاندھی، کیجریوال اور ماکن نے نئی دہلی میں متعلقہ پولنگ مراکز میں اپنا ووٹ ڈالا۔ شیلا دیکشت نے نظام الدین، منیش سسودیا نے پانڈونگر اور گوتم گمبھیر نے اولڈ راجندر نگر علاقے میں ووٹ دیا۔ اس موقع پر شیلا دیکشت نے کہا’’ہمیں اپنی جیت کا یقین ہے ‘‘۔

سابق کرکٹر اور بھارتیہ جنتا پارٹی امیدوار گوتم گمبھیر نے بیوی نتاشا جین کے ساتھ سوشل میڈیا پر ایک تصویر پوسٹ کی، جس میں وہ ووٹ ڈالنے کے لئے پولنگ مرکز پر قطار میں لگے ہوئے ہیں۔ انہوں نے لکھا ’’میں نے اپنا کام کر دیا۔ اب آپ کی باری ہے ، دہلی کے لوگو، ووٹنگ کیجیے‘‘۔

دہلی کے وزیر اعلی اروند کیجریوال نے ٹویٹ کیا’ ’گڈ مارننگ دہلی۔ اپنا ووٹ دینے جائیں۔ اپنا ووٹ ان کو دیں جو آپ کے لئے کام کرتے ہیں۔ ان کو ووٹ نہ دیں جو نفرت پھیلاتے ہیں اور دہلی کام روکتے ہیں۔ آپ کا ووٹ ملک میں تبدیلی لا سکتا ہے۔‘‘