قومی خبریں
لوک سبھا انتخابات: کانگریس ورکنگ کمیٹی نے پارٹی صدر کھڑگے کو انتخابی منشور کی منظوری کا اختیار سونپا
سی ڈبلیو سی نے کھڑگے کو انتخابی منشور کی منظوری دینے کا اختیار دیا ہے۔ منشور 'نیائے پتر' کے طور پر پیش کیا جائے گا جس میں 5 طرح کے نیائے (انصاف) اور 25 ضمانتیں ہوں گی جن کا اعلان پہلے ہی کیا جا چکا ہے
تصویر آئی این سی
نئی دہلی: کانگریس ہیڈکوارٹر دہلی میں منگل کو کانگریس ورکنگ کمیٹی کا اجلاس منعقد ہوا۔ اس دوران ورکنگ کمیٹی نے کانگریس صدر ملکارجن کھڑگے کو اختیار دیا کہ وہ لوک سبھا انتخابات کے لیے منشور کو منظور کریں اور اس کی ریلیز کی تاریخ طے کریں۔
پارٹی کا کہنا ہے کہ یہ محض انتخابی منشور نہیں ہوگا بلکہ نیائے پتر (انصاف کا دستاویز) ہوگا۔ ورکنگ کمیٹی کی میٹنگ میں منشور کے مسودے پر تفصیلی بحث ہوئی جسے سابق وزیر خزانہ پی چدمبرم کی سربراہی والی کمیٹی نے تیار کیا ہے۔
کانگریس کے مطابق، اس کا منشور پارٹی کے 5 نیائے (انصاف) کے اصولوں پر 'بھاگیداری نیائے'، 'کسان نیائے'، 'ناری نیائے'، 'شرمک نیائے' اور 'یووا نیائے' پر مبنی ہوگا۔ ان میں 25 ضمانتیں ہوں گی جن کا اعلان کانگریس صدر کھڑگے اور سابق صدر راہل گاندھی پہلے ہی کر چکے ہیں۔
Published: undefined
اجلاس کے بعد کانگریس کے جنرل سکریٹری-آرگنائزیشن کے سی وینوگوپال نے پریس کو بتایا، ’’کانگریس ورکنگ کمیٹی نے 2024 کے لوک سبھا انتخابات کے منشور پر تفصیلی بات چیت کی۔ یہ بحث تقریباً ساڑھے تین گھنٹے تک جاری رہی۔ بحث کے بعد کانگریس صدر کو اختیار دیا گیا تھا کہ وہ منشور کو منظور کریں اور اس کی رہائی کی تاریخ مقرر کریں۔‘‘
Published: undefined
انہوں نے کہا کہ کانگریس ورکنگ کمیٹی نے پارٹی کی ضمانتوں کو زمینی سطح تک لے جانے کا روڈ میپ تیار کیا ہے۔ پارٹی سربراہ ملکارجن کھڑگے کی صدارت میں ہونے والی ورکنگ کمیٹی کی میٹنگ میں پارٹی کے سابق صدور سونیا گاندھی اور راہل گاندھی، جنرل سکریٹری پرینکا گاندھی واڈرا، تنظیم کے جنرل سکریٹری کے سی وینوگوپال، منشور کمیٹی کے سربراہ پی چدمبرم اور ورکنگ کمیٹی کے کئی دیگر ارکان نے شرکت کی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
Also Read
مہاراشٹر و جھارکھنڈ کی قسمت کا فیصلہ کل، 48 اسمبلی اور 2 لوک سبھا سیٹوں کیلئے ہوئے ضمنی انتخاب پر بھی سبھی کی نظر
دہلی کے لیفٹیننٹ گورنر نے 702 لوگوں کو سونپا تقرری نامہ، 20 ہزار عہدوں پر تقرری کا عمل بھی شروع
’یہ بدعنوانی کا بے حد خطرناک کھیل ہے‘، راہل گاندھی نے مودی-اڈانی گٹھ جوڑ پر پھر کیا حملہ
نوح فساد کے ملزم نابالغ شخص کو عدالت نے کیا بری، اہل خانہ میں خوشی کی لہر
تصویر: پریس ریلیز