آج لوک سبھا انتخاب کے آخری مرحلے کی ووٹنگ بھی ختم ہو گئی۔ سبھی امیدواروں کی قسمت کا فیصلہ ای وی ایم میں قید ہو گیا اور 4 جون کو ووٹوں کی گنتی کی جائے گی۔ این ڈی اے اور انڈیا دونوں ہی اتحاد اپنی جیت کا دعویٰ کر رہے ہیں۔ انڈیا اتحاد نے تو آئندہ کے منصوبوں پر تبادلہ خیال بھی شروع کر دیا ہے۔ آج سہ پہر انڈیا بلاک میں شامل پارٹیوں کے سرکردہ لیڈران دہلی میں کانگریس صدر ملکارجن کھڑگے کی رہائش پر جمع ہوئے اور ووٹ شماری کے دن کی تیاریوں اور لائحہ عمل پر تبادلہ خیال کیا۔
Published: undefined
اس میٹنگ میں کانگریس صدر کھڑگے کے علاوہ پارٹی کی طرف سے سونیا گاندھی، راہل گاندھی، کے سی وینوگوپال اور پرینکا گاندھی نے شرکت کی۔ میٹنگ میں شامل دیگر پارٹیوں کے لیڈران میں اکھلیش یادو (سماجوادی پارٹی)، رام گوپال یادو (سماجوادی پارٹی)، شرد پوار (این سی پی ایس پی)، اروند کیجریوال (عآپ)، بھگونت مان (عآپ)، سنجے سنگھ (عآپ)، راگھو چڈھا (عآپ)، ٹی آر بالو (ڈی ایم کے)، تیجسوی یادو (آر جے ڈی)، چمپئی سورین (جے ایم ایم)، کلپنا سورین (جے ایم ایم)، فاروق عبداللہ (جموں و کشمیر نیشنل کانفرنس)، ڈی راجہ (سی پی آئی)، سیتارام یچوری (سی پی آئی ایم)، انل دیسائی (شیوسینا یو بی ٹی)، دیپانکر بھٹاچاریہ سی پی آئی (ایم ایل)، مکیش سہنی (وی آئی پی) وغیرہ شامل ہیں۔
Published: undefined
اس میٹنگ کے بعد انڈیا اتحاد کے لیڈروں نے ایک پریس کانفرنس بھی کیا جس میں کانگریس صدر کھڑگے نے میٹنگ کے مقاصد میڈیا کے سامنے رکھے۔ اس موقع پر کئی دیگر لیڈران نے بھی اپنی باتیں میڈیا کے سامنے رکھیں۔ نیچے پیش ہیں کچھ لیڈروں کے بیانات…
Published: undefined
عوام سے جو نمبر ملے ہیں، اس کے مطابق انڈیا اتحاد 295 سے زیادہ سیٹیں حاصل کر رہا ہے۔ سبھی پارٹیوں سے پوچھنے کے بعد اس نمبر کا اندازہ لگایا گیا ہے۔’سرکاری سروے‘ میں نمبرس اوپر نیچے کر دیے جاتے ہیں، لیکن جو نمبر (295) ہمارے پاس ہے وہ عوام کا سروے ہے۔
Published: undefined
چاروں طرف سے فیڈ بیک لینے کے بعد۔ سبھی پارٹیوں سے، لیڈران سے، عوام سے فیڈ بیک لینے کے بعد یہ نتیجہ سامنے آیا ہے کہ انڈیا بلاک کو 295 سے زیادہ سیٹیں مل رہی ہیں۔ بی جے پی کو 220 کے قریب سیٹیں مل رہی ہیں اور این ڈی اے کو 235 کے قریب سیٹیں مل رہی ہیں۔ انڈیا اتحاد اپنی طاقت پر مستحکم اور مضبوط حکومت بنانے کی طرف آگے بڑھ رہا ہے۔
Published: undefined
لوک سبھا انتخاب کو لے کر میٹنگ ہم لوگوں نے کی۔ جہاں تک جھارکھنڈ کا سوال ہے، یہاں انڈیا اتحاد بہترین کارکردگی کرنے جا رہی ہے۔ جھارکھنڈ میں 10 سے زیادہ سیٹیں انڈیا اتحاد کو ملیں گی۔ مجموعی طور پر انڈیا اتحاد کو 295 سیٹیں ملیں گی۔
Published: undefined
عوام جیت رہی ہے، انڈیا اتحاد فتحیاب ہو رہا ہے۔ ہم لوگ تو پہلے سے ہی کہتے آ رہے ہیں کہ 295 سے زیادہ سیٹیں ملیں گی۔
Published: undefined
انڈیا اتحاد کی حکومت بننے جا رہی ہے۔ وہ (پی ایم مودی) سمندر (کنیاکماری) دیکھنے چلے گئے، عوام کی طرف پیٹھ ہے۔ اور عوام بھی ان کے خلاف کھڑی ہو گئی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined