لیفٹیننٹ جنرل اوپیندر دویدی، تصویر سوشل میڈیا
مرکزی حکومت نے لیفٹیننٹ جنرل اوپیندر دویدی کو 30 جون کی دوپہر سے اگلے فوجی چیف کی شکل میں تقرر کرنے کا اعلان کیا ہے۔ موجودہ فوجی چیف جنرل منوج پانڈے 30 جون کو دفتر چھوڑ رہے ہیں اور ان کی جگہ لیفٹیننٹ جنرل اوپیندر دویدی لیں گے۔ پی وی ایس ایم (پرم وِشسٹ سیوا میڈل) اور اے وی ایس ایم (اَتی وشسٹ سیوا میڈل) سے سرفراز لیفٹیننٹ جنرل دویدی نے طویل مدت تک جموں و کشمیر میں خدمات انجام دی ہیں۔
Published: undefined
قابل ذکر ہے کہ حکومت نے 25 مئی کو چھٹے مرحلہ کی پولنگ کے بعد 26 مئی کو برّی فوج چیف جنرل منوج پانڈے کی مدت کار میں ایک مہینہ کی توسیع کر دی تھی۔ 30 جون کو وہ اس عہدے سے سبکدوش ہو رہے ہیں۔ اس سے قبل وہ 31 مئی کو سبکدوش ہونے والے تھے۔ وزارت دفاع نے ان کی مدت کار میں ایک مہینہ کی توسیع کرتے ہوئے کہا تھا کہ آرمی رولس 1954 کے اصول 16اے(4) کے تحت سروس میں یہ توسیع دی گئی۔
Published: undefined
بہرحال، یکم جولائی 1964 کو پیدا لیفٹیننٹ جنرل اوپیندر دویدی کو 15 دسمبر 1984 کو ہندوستانی فوج کی انفینٹری (جموں و کشمیر رائفلس) میں کمیشن دیا گیا تھا۔ تقریباً 40 سالوں کی اپنی طویل اور خصوصی سروس کے دوران انھوں نے مختلف کمانڈ، اسٹاف، انسٹرکشنل و غیر ملکی تقرریوں میں کام کیا ہے۔ لیفٹیننٹ دویدی کی کمانڈ تقرریوں میں رجمنٹ (18 جموں و کشمیر رائفلس)، بریگیڈ (26 سیکٹر آسام رائفلس)، ڈی آئی جی، آسام رائفلس (مشرق) اور 9 کور کی کمان شامل ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined