سنسنی خیز انکشاف: ’اخلاق قتل‘ میں جانچ افسر رہ چکے تھے بلند شہر میں ہلاک انسپکٹر

اترپردیش میں بلند شہر ضلع کے سیانا قبصہ میں ہلاک کئے گئے انسپکٹر سبودھ کے معاملہ میں سنسنی خیز انکشاف ہوا ہے۔ اتر پردیش کے اے ڈی جی (لا اینڈ آرڈر) آنند کمار نے اس بات کی تصدیق کی ہے کہ انسپکٹر سبودھ دادری میں موب لنچنگ کے ذریعہ قتل کئے گئے اخلاق کے معاملہ میں جانچ افسر تھے۔ بعد میں ان کا وارانسی تبادلہ کر دیا گیا تھا۔

یو پی پولس نے اس امر کی تصدیق کرتے ہوئے کہا کہ سبودھ کمار ستمبر 2015 سے 9 نومبر 2015 تک اخلاق قتل معاملہ میں جانچ افسر تھے بعد میں ان کا تبادلہ ورانسی کر دیا گیا تھا۔

اترپردیش کے ضلع بلند شہر میں گئو رکشک اور پولیس کے درمیان ہوئے خونی جھڑپ کے معاملے میں سیانا کوتوالی میں تعینات سب انسپکٹر سریش کمار کی تحریر پر سینکڑوں نامعلوم افراد کے خلاف مقدمہ درج کیا گیا ہے۔

میرٹھ زون کے اڈیشنل پولس ڈی آئی جی پرشانت کمار نے سیانا کے واقعہ کو تکلیف دہ بتاتے ہوئے کہا کہ پولس انسپکٹر سبودھ کمار کے قتل کا مقدمہ درج کرایا گیا ہے۔ اور مقامی افراد کی جانب سے تحریر ملتی ہے تو پولیس مقدمہ درج کرکے غیر جانبداری کے ساتھ واقعہ کی جانچ کرے گی۔

کمار کے دعوے کے مطابق نوجوان سُمت کی موت پولس کی گولی سے نہیں بلکہ پتھر لگنے سے ہوئی ہے۔ دوسری جانب ضلع مجسٹریٹ کا کہنا ہے کہ انسپکٹر سبودھ کمار کی موت گولی لگنے کی وجہ سے ہوئی جس کی تصدیق پوسٹ مارٹم رپورٹ سے ہوتی ہے۔

اس حادثے کے بعد جائے وقوع پر پہنچے کمار نے کہا کہ حالات پوری طرح سے قابو میں ہے، آگ زنی، پتھراو اور فائرنگ کرنے والوں کو کسی بھی حالت میں بخشا نہیں جائےگا۔ پولس پوری طرح سے غیر جانبداری کےساتھ پورے حادثے کی جانچ کرے گی۔

بی جے پی کے سابق رکن اسمبلی گگن بھگت نے جموں و کشمیر اسمبلی کو تحلیل کرنے کے فیصلہ پر سپریم کورٹ کا دروازی کھٹکھٹایا ہے۔ پیر کے روز بھگت نے سپریم کورٹ میں گورنر ستیہ پال ملک کے فیصلے کے خلاف عرضی داخل کی۔

سابق بی جے پی ایم ایل اے گگن بھگت نے عرضی میں یونین آف انڈیا کو پارٹی بنایا ہے۔ پیر کے روز عرضی تو داخل کر دی گئی ہے لیکن سپریم کورٹ نے ابھی اس پر سماعت کے لئے تاریخ مقرر نہیں کی ہے۔

واضح رہے کہ جموں و کشمیر کے گورنر ستیہ پال ملک نے 21 نومبر کی رات اچانک ریاست کی اسمبلی کو تحلیل کر دیا تھا۔ اس کے کچھ گھنٹوں قبل ہی پی ڈی پی نے این سی اور کانگریس کی حمایت سے حکومت سازی کا دعوی پیش کیا تھا۔ پیپلز کانفرنس کے سجاد لون نے بھی گورنر کے سامنے حکومت سازی کا دعوی پیش کیا تھا۔ چند گھنٹوں میں ہوئی اس سیاسی اتھل پتھل کے آخر میں گورنر نے اسمبلی تحلیل کر دی تھی۔

واضح رہے کہ گگن بھگت آر ایس پوراہ اسمبلی حلقہ انتخاب کے سابق رکن اسمبلی ہیں۔ 2014 کے انتخابات میں انہوں نے بی جے پی کے ٹکٹ پر جیت درج کی تھی۔ اس حوالہ سے بی جے پی کے صددر رویندر رینا کا کہنا ہے کہ گگن بھگت کو چار مہینے قبل پارٹی سے معطل کیا جا چکا ہے۔ ان کا کہنا ہے کہ گگن کا بی جے پی سے کوئی لینا دینا نہیں ہے اور وہ اپوزیشن پارٹیوں کے بہکاوے میں آ کر بی جے پی کو بدنام کرنے کے لئے اس طرح کا کام کر رہے ہیں۔ رینا نے کہا کہ بی جے پی کی طرف سے اسمبلی تحلیل کرنے کا استقبال کیا گیا تھا اور پارٹی اپنے موقف پر قائم ہے۔

کانگریس کے رہنما رندیپ سرجے والا نے پی این بی گھوٹالہ کی ملزم نیرو مودی کو لے کر مودی حکومت پر حملہ کیا ہے۔ انہوں نے کہا کہ پی این بی سے ہزاروں کروڑ کا لون لے کر بھاگے نیرو مودی کے کارناموں اور اس کے ملک سے فرار ہونے کی معلومات مودی حکومت کو محکمہ انکم ٹیکس کے ذریعہ پہلے ہی ہو چکی ہے۔

سرجے والا نے کہا کہ انکم ٹیکس کی تفتیشی رپورٹ میں کہا گیا ہے کہ گھوٹالہ کے اجاگر ہونے سے 8 مہینے پہلے ہی نیرو مودی کے کالے کارناموں کی خبر انہیں لگ گئی تھی، لیکن محکمہ نے دوسری جانچ ایجنسیوں اس معلومات کا اشتراک نہیں کیا۔ سرجے والا نے پوچھا، ’’اگر وزیر اعظم مودی اور وزیر خزانہ ارون جیٹلی کو نیرو مودی اور میہل چوکسی کے بارے میں پہلے سے معلومات تھی تو پھر وہ فرار کیسے ہو گئے۔‘‘

لوک سبھا میں کانگریس پارلیمانی کمیٹی کے قائد ملکارجن کھڑگے نے کہا، ’’حکومت نے پہلے ہی نیرو مودی اور میہل چوکسی جیسے لوگوں کو بچانے کا راستہ دریافت کر لیا ہے۔ جب ان کے پاس ایک سال قبل اطلاع تھی پھر بھی انہوں نے کسی بھی ایجنسی کو جانچ کے لئے نہیں بھیجا اور انہیں بھاگ جانے دیا۔ حکومت اور مودی جی کے آشیرواد سے انہوں نے بینکوں سے پیسہ لیا اور بھاگ گئے۔‘‘

تلنگانہ پہنچے کانگریس صدر راہل گاندھی نے مودی سمیت اپوزیشن پارٹیوں کے رہنماؤں پر حملہ بولا ہے، ساتھ ہی تلنگانہ کے عوام سے ان سے سنبھل کے رہنے کی نصیحت بھی دی ہے۔ انہوں نے کہا کہ ٹی آر ایس، بی جے پی کی 'بی' ٹیم ہے اور كےسی ار مودی کی طرح کام کرتے ہیں، وہیں اسد الدین اویسی کو لے کر کہا کہ یہ بی جے پی کی 'سی' ٹیم ہے ان کا کام ہے سیکولر ووٹوں کو تقسیم کرنا تاکہ ٹی آر ایس اور بی جے پی کو فائدہ ہو۔ انہوں نے مزید کہا کہ تلنگانہ کے عوام آپ سمجھ لیں کہ پی ایم مودی، كےسی ار اور اویسی کا کام عوام کو بیوقوف بننا ہے۔

سابق چیف الیکشن کمشنر او پی راوت نے کہا کہ نوٹ بندی سے انتخابات کے دوران کالے دھن کے استعمال پر کوئی فرق نہیں پڑا، انہوں نے کہا کہ ہم نے حال ہی میں 5 ریاستوں کے انتخابات کے دوران 200 کروڑ روپے سيج کیے ہیں، اس کا مطلب صاف ہے کہ انتخابات میں جس طرح سے پیسہ آ رہا ہے وہ بے حد مؤثر ہے، اس کا صاف مطلب یہ ہے کہ نوٹ بندی کا الیکشن پر کوئی خاص اثر نہیں دکھائی دے رہا ہے۔

کیرل اسمبلی میں سبريمالا مندر کے معاملے پر جم کر ہنگامہ دیکھنے کو ملا، ہنگامے کے بعد ایوان کی کارروائی کو دن بھر کے لئے ملتوی کر دیا گیا۔