بڑی خبر LIVE: گجرات کے کئی علاقوں میں بارش، سیلاب جیسے حالات

گجرات کے ولساڈ اور نوساری میں بھاری بارش کے سبب سیلاب جیسی صورت حال پیدا ہو گئی ہے۔ بارش کا پانی لوگوں کے گھروں میں گھس گیا ہے۔ عالم یہ ہے کہ این ڈی آر ایف کو راحت اور بچاؤ کے کام پر لگایا گیا ہے۔

نوساری تحصیل میں 36 گھنٹے میں 13، جلال پور اور ولساڈ میں 24 گھنٹہ میں 7 انچ سے زیادہ بارش درج کی گئی ہے۔ یہاں چہار سو پانی ہی پانی نظر آ رہپا ہے۔ انتظامیہ کی طرف سے پانی میں پھنسے لوگوں محفوظ ٹھاکانوں پر پہنچایا جا رہا ہے۔

اترپردیش کے ایٹہ ضلع میں آٹا چکی پھٹنے سے 3 افراد ہلاک ہو گئے۔ اس حادثہ میں 6 افراد شدید طور پر زخمی ہوئے جنہیں علاج معالجہ کے لئے اسپتال میں داخل کرایا گیا ہے۔ یہ حادثہ ایٹہ کے ندھولی کلاں تھانہ علاقہ کے جھنوار گاؤں میں پیش آیا۔