کیرالہ: آئی سی ایم آر نے چمگادڑوں میں نپاہ وائرس کی تصدیق کی

ترواننت پورم: کیرالہ کے کوزی کوڈ ضلع میں نپاہ وائرس کا خوف ختم ہونے کے ایک ماہ بعد ایک مرتبہ پھر تشویش ناک خبر سامنے آئی ہے۔ ریاستی وزیر صحت وینا جارج نے بدھ کو کہا کہ پڑوسی ضلع وائناڈ سے چمگادڑوں پر کئے گئے آئی سی ایم آر ٹیسٹ مثبت پائے گئے ہیں۔

میڈیا سے بات کرتے ہوئے جارج نے کہا کہ وائناڈ ضلع کے سلطان باتھری اور منتھاواڈی علاقوں سے جمع کیے گئے چمگادڑوں کے نمونوں میں وائرس کی تصدیق ہوئی ہے۔ جارج نے کہا، ’’اس وقت ضرورت اس بات کی ہے کہ چوکس صحت کے پیشہ ور افراد مریضوں کی جانچ کے معمول کے کام میں کوئی کسر نہ چھوڑیں اور محتاط انداز اپنایا جائے۔‘‘

اتفاق سے ستمبر کے دوسرے ہفتے کے دوران کوزی کوڈ میں طبی حکام نے نپاہ کی مشتبہ علامات والے دو مریضوں کی موت کے بعد وائرس کے پھیلاؤ کا شبہ ظاہر کیا۔ کوزی کوڈ میں نپاہ سے دو اموات اور چھ مثبت معاملات دیکھے گئے تھے۔ 1000 سے زائد نمونے جانچ کے لیے بھیجے گئے ہیں۔