جموں: جموں و کشمیر میں ایئرفورس اسٹیشن پر دیر رات گئے دھماکہ کی آواز سنائی دینے کے بعد کھلبلی مچ گئی۔ دیر رات گئے ایک بجے کے بعد ہونے والے ان دھماکوں میں کسی کے زخمی ہونے کی اطلاع نہیں ہے۔ پولیس اور فارینزک ٹیم موقع پر پہنچ کر چھان بین کر رہی ہے۔
Published: undefined
خبررساں ایجنسی اے این آئی کے مطابق دھماکہ کی آواز جموں ایئرپورٹ پر موجود فضائیہ اڈے سے سنائی دی۔ یہ علاقہ انتہائی محفوظ قرار دیا جاتا ہے۔ بتایا جا رہا ہے کہ 5 منٹ کے اندر ہونے والے دو دھماکوں میں سے پہلا دھماکہ ایک عمارت کی چھت پر اور دوسرا زمین پر ہوا۔
اس کے بعد پورا علاقہ محاصرہ میں لے لیا گیا۔ پولیس، فارینزک ٹیم اور اعلیٰ عہدیداران موقع پر پہنچ گئے ہیں۔ بم ڈسپوزل اسکواڈ بھی موقع پر موجود ہے۔
Published: undefined
دھماکہ کے تعلق سے ایک افسر نے بتایا کہ ایئرفورس اسٹیشن کے اندر دھماکہ ہونے کی رپورٹ سامنے آئی ہے۔ غنیمت یہ رہی کہ اس دھماکہ کے سبب نہ تو کوئی جوان زخمی ہوا اور نہ ہی کسی املاک کو کسی طرح کا نقصان پہنچا۔ انہوں نے بتایا کہ جانچ کی جا رہی ہے اور اس کے بعد ہی تصویر صاف ہو پائے گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined