ہر ضرورت مند کو راشن ملے، رمضان میں ضروری اشیاء کی فراہمی کو یقینی بنائیں: یوگی

لکھنؤ: اتر پردیش کے وزیر اعلی یوگی آدتیہ ناتھ نے کہا ہے کہ سماج کے ہر طبقے اور ضرورت مند کو راشن دستیاب کرانا ضلع انتظامیہ کی ذمہ داری ہے۔ یوگی نے جمعہ کو لاک ڈاؤن کا جائزہ لیتے ہوئے افسران کو ہدایت دی کہ ہر حال میں اس بات کو یقینی بنایا جائے کہ ریاست میں کوئی بھی شخص بھوکا نہ سوئے۔

کووڈ۔19 کے انفیکشن سے پیدا ہونے والے حالات میں غریبوں کو راحت پہنچانے کے لئے ریاست میں 30 جون تک پبلک ڈسٹربیوشن سسٹم کے تحت دیہی اور شہری علاقوں میں ہر ایک ضرورت مند کو راشن ضرور ملے، بھلے ہی اس کے پاس راشن کارڈ یا آدھار کارڈ نہ ہو۔

انہوں نے ضروری اشیاء کی سپلائی چین اور ان کی ڈور اسٹیپ ڈیلیوری نظام پر اطمیان کا اظہار کرتے ہوئے اسے اور بہتر بنانے کی ہدایت دی۔ انہوں نے کہا کہ رمضان کے مہینے میں ضروری اشیاء کی دستیابی کے لئے سبھی ضروری انتظامات کئے جائیں۔ وزیر اعلی نے کہا کہ لاک ڈاؤن کے دوران حکومت پر کمیونٹی کچن اور شلٹر ہوم چلارہی ہے۔انہوں نے کہا کہ کالا بازاری، جمع خوری، منافع خوری اور کم تولنے ولوں کے خلاف مسلسل کاروائی کی جائے۔

یوگی نے کہا کہ 14دنوں کا قرنطینہ کی مدت پوری کرنے کے بعد شلٹر ہوم سے ہوم قرنطینہ کے لئے گھر جانے والے افراد کے صحت لازمی طور سے جانچ کی جائے۔ ساتھ ہی ہوم کوارنٹائن کے لئے بھیجتے وقت انہیں راشن بھی دستیاب کرایا جائے۔ انہوں نے کہا کہ اسپتالوں میں این۔95 ماسک، پی پی ای سمیت انفیکشن سے تحفظ کے سبھی آلات وافر مقدار میں ہر حال میں دستیاب رہیں۔ یہ یقینی بنایا جائے کہ یہ آلات طے شدہ میعار کے مطابق ہوں۔ اترپردیش کووڈ کیئر فنڈ اور این ایچ ایم میں دستیاب رقم سے پی پی ای خریدے جائیں گے۔ انہوں نے بایو سیفٹی ٹیسٹنگ لیبس کی تعداد میں اضافے کے احکامات دئیے ہیں۔

وزیر اعلی نے کہا کہ ریاست کے مختلف اضلاع کے ٹریننگ انسٹی ٹیوٹ میں غیرملکی اور بیرون ریاست کے طلبہ۔ طالبات زیر تعلیم ہیں۔ ان طلبہ کے مسائل کے حل کے لئے ہر ایک ضلع میں ایک نوڈل افسر نامزد کیا جائے۔انہوں نے ریاستوں میں رہ رہے اترپردیش کے شہریوں کے مسائل کے حل کے لئے ری استی حکومت کی جانب سے نامزد کئے گئے نوڈل افسران کو متعلقہ ریاست میں رہ رہے اتر پردیش کے شہریوں کے مسائل کو دور کرنے کا حکم دیا۔