اعلی عہدہ پر بیٹھے شخص کا سابق وزیراعظم پر تبصرہ کرنا ٹھیک نہیں: سندھیا

شیوپوری: مدھیہ پردیش کے گنا پارلیمانی حلقہ سے کانگریس کے امیدوار اور پارٹی کے جنرل سکریٹری جیوتر آدتیہ سندھیا نے وزیراعظم نریندر مودی پر حملہ کرتے ہوئے کہا کہ ملک کے اعلی عہدہ پر بیٹھے شخص کے ذریعہ ملک کے سابق وزیراعظم راجیو گاندھی پران کے انتقال کے بعد تبصرہ کرنا ان کے عہدہ کے وقار کے مطابق نہیں ہے۔

جیوتیرادتیہ سندھیا نے جمعہ کے روز نامہ نگاروں سے بات چیت کے دوران آئی این ایس و راٹ معاملہ میں ہوئے تنازعہ کے سلسلہ میں کہا کہ آج کی سیاست میں اقدار اور اصولوں کی تنزلی صاف نظر آ رہی ہے۔

سیاستدانوں کے مابین اختلاف ہونا اچھی بات ہے۔ جمہوریت کے لئے ضروری ہے، لیکن دل صاف ہونا چاہئے۔ ملک کے اعلی عہدہ پر بیٹھے شخص کے ذریعہ سابق وزیراعظم کے لئے ایسا تبصرہ ان کے عہدہ کے وقار کے موافق نہیں ہے۔

انہوں نے کہاکہ ان کی ڈکشنری میں ہندو لفظ نہیں ہے، لیکن ان کا مذہب ہندو ہے۔ انہوں نے کہاکہ ان کا مذہب انہیں اقدار اور اصولوں کے ساتھ کام کرناسکھاتا ہے۔