دشمنوں کی خیر نہیں! ہندوستانی فوج نے لانچ کیا دھرو ہیلی کاپٹر کا کامبیٹ ورژن

ہندوستانی فوج کی ہوائی یونٹ نے ایک دھرو ہیلی کاپٹر کا کامبیٹ ورژن لانچ کیا ہے۔ اس کے ذریعہ اتوار کے روز نئی نسل کی راکٹ اور گولہ بارود سسٹم کا کامیاب تجربہ کیا گیا۔ یہ ملک میں تیار پہلا وسعت شدہ جنگی ہیلی کاپٹر ہے، جس کا نام ’رودر‘ رکھا گیا ہے۔

اسپیئر کورپس نے سوشل میڈیا پلیٹ فارم ’ایکس‘ پر اس سلسلے میں ایک پوسٹ کیا ہے جس میں لکھا ہے کہ ’’ہندوستانی فوج نے پہلے ملکی جنگی ہیلی کاپٹر رودر سے نئی نسل کے راکیٹ اور گولہ بارود داغے۔ پہاڑوں پر یہ پلیٹ فارم اثردار ہے۔ اس میں اس کی اسٹرائک صلاحیت اور خطرناکی بڑھ جاتی ہے۔ کور کمانڈر نے ایویٹرس کو ان کی پروفیشنلزم اور آپریشنل پریپیئرڈنیس کے لیے مبارکباد دی۔‘‘

واضح رہے کہ گزشتہ سال ہندوستانی فوج اور انڈین ایئر فورس نے 24 گھنٹے کی مدت کے اندر ہیلینا میزائل کے دو کامیاب تجربے کیے تھے۔ ہیلینا میزائل کا تجربہ حال ہی میں حاصل لائٹ کامبیٹ ہیلی کاپٹر (ایل سی ایچ) سے لانچ کر کے کیا گیا۔ اس میزائل کا تجربہ زیادہ اونچائی اور دوری پر کیا گیا۔ اس سے ایک ہفتے پہلے ہندوستانی فوج نے ہلکے جنگی ہیلی کاپٹر (ایل سی ایچ) پرچنڈ کی 70 ایم ایم راکیٹ اور 20 ایم ایم برج گن کی کامیاب افتتاحی فائرنگ کی تھی۔