پنڈت نہرو کی پالیسیوں سے ہندوستان دنیا کے نقشہ میں ابھرتا چلا گیا: سبھاش چوپڑاہ

نئی دہلی: دہلی پردیش کانگریس کمیٹی کے صدر سبھاش چوپڑہ نے جمعرات کے روز کہا کہ آزاد ہندوستان کے اولین وزیر اعظم پنڈت جواہر لال نہرو نے ملک کی ترقی کے لئے جو بنیادی کام کیے انہیں کی بدولت آج ہندوستان خود کفیل بننے کی راہ پر گامزن ہونے میں کامیاب ہوا ہے۔

چوپڑہ نے پردیش دفتر میں راجیو بھون میں پنڈت جواہر لعل نہرو کے 130 ویں یوم پیدائش یوم اطفال کے موقع پر منعقد ایک پروگرام میں بول رہے تھے۔ انہوں نے نہرو کی تصویر پر گلہائے عقیدت بھی پیش کی۔

اس موقع پر سبھاش چوپڑہ نے کہا کہ نہرو جی نے ملک کو آزادی ہی نہیں دلائی بلکہ آزادی کے بعد ملک کی ترقی کی ایسی پالیسی مرتب کی جس کی بدولت ہمارے ملک نے تعلیم،غریبی، صنعتی ترقی کیساتھ ساتھ بیرونی ممالک کیساتھ رشتہ کو مضبوط کیا اور ایک دوسرے کے لئے دروازے کھولے جس سے ہندوستان دنیا کے نقشہ میں ابھرتا چلا گیا۔

چوپڑہ نے کہا کہ ہم نہرو جی کی عظیم شخصیت اور ان کی قربانی اور کاموں سےعزم لے کر کانگریس پارٹی اور ملک کی ترقی میں آگے بڑھ سکتے ہیں۔ سبھاش چوپڑہ نے کہا کہ ملک کو ترقی کی رفتار دینے میں نہرو جی کی پالیسی کا بڑا کردار ہے اس لئے قوم ہمیشہ ان کو قدر کی نگاہ سے دیکھتی رہے گی۔انہوں نے کہا کہ کانگریس ورکرس نہرو جی کے اعلی اصولوں پر اپنا کر بھارت کو بلندی تک لے جائینگے۔

انہوں نے کہا کہ نہرو جی نے روڈ ڈیولپمنٹ کو ایک سمت عطا کی جس سے دوسرے ممالک ہندوستان کی طرف دیکھنے لگے اور مجبورا انہیں اپنی پالیسی کو بدلنا پڑا اور اس طرح ہندوستان سے تمام ممالک نے اپنے رشتہ مضبوط کیے ۔

نہرو کو خراج عقیدت پیش کرنے کےوالوں میں سابق رکن پارلیمنٹ رمیش کمار،کرشناتیرتھ، سابق رکن اسمبلی آصف محمد خان، برہمپال، درشنا راج کمار، کیلاش جین، ہری جشن جندل، محمد عثمان، دنیش کمار، سابق میر ستویر سنگھ، ستیش لوتھرا، نریش شرما، کھوند سنگھ کیپٹن، اندو سمیت کونسلرس، سابق میونسپل کونسلرس، بلاک صدوراور سیکڑوں کارکنان خاص طور پر موجود تھے۔