'کانگریس پوری طرح سے تیار ہے‘ کیجریوال کے استعفیٰ کے اعلان پر بولےسچن پائلٹ

قومی راجدھانی میں وزیر اعلی اروند کیجریوال کے وزیر اعلیٰ کے عہدے سے استعفیٰ دینے کے اعلان کے بعد دہلی میں سیاسی ہلچل تیز  ہے۔ عام آدمی پارٹی کے قومی کنوینر نے کہا ہے کہ وہ دو دن بعد وزیر اعلیٰ کے عہدے سے استعفیٰ دے دیں گے۔ اس سب کے درمیان کانگریس رہنما  اور سابق نائب وزیر اعلی سچن پائلٹ کا بیان سامنے آیا ہے۔ انہوں نے کہا کہ ہم دہلی میں پوری طرح تیار ہیں۔

راجستھان کے سابق نائب وزیر اعلیٰ سچن پائلٹ نے مزید کہا، "آنے والے دنوں میں دہلی میں جو بھی پیش رفت ہوتی ہے، کانگریس ہر چیلنج کا سامنا کرنے کے لیے پوری طرح تیار ہے۔ ہماری پارٹی کی اعلیٰ قیادت جو بھی فیصلہ کرے گی، ہم اس کے مطابق کام کریں گے۔" کانگریس دہلی اور ہریانہ میں ہر چیلنج کے لیے تیار ہے۔

سچن پائلٹ نے کہا، "یہ ان کی پارٹی کا فیصلہ ہے۔ جمہوریت میں حتمی فیصلہ عوام کرتے ہیں۔ کانگریس ہر چیلنج کے لیے ہمیشہ تیار رہتی ہے۔ ہریانہ اور جموں و کشمیر میں انتخابات ہو رہے ہیں۔ ان دونوں ریاستوں میں، کانگریس اور ہمارا اتحاد بھاری اکثریت سے جیتے گا۔‘

اب یہ بات سب کو معلوم ہے کہ حکومت ہند نے پچھلے کچھ سالوں میں اپنے عہدے کا غلط استعمال کیا ہے۔ عوام نے عوامی بہبود اور عوام کی بہتری کے لیے حکومت بنائی تھی۔ لیکن بی جے پی نے ہمیشہ مخالفین کو نشانہ بنانے، وزرائے اعلیٰ کو جیل میں ڈالنے اور آئین کی دھجیاں اڑانے کا کام کیا ہے۔

سابق نائب وزیر اعلیٰ سچن پائلٹ نے بھی کہا، "وزیر اعظم  مودی کشمیر میں انڈیا نامی اتحاد پر الزام لگا رہے ہیں، جب کہ بی جے پی رہنماؤں  نے اسٹیج سے آئین کے ساتھ چھیڑ چھاڑ کی بات کی تھی۔ یہ لوک سبھا انتخابات میں ایک بڑا مسئلہ بن گیا تھا۔‘‘ انہوں نے کہا کہ  راہل گاندھی کے الوک سبھا میں قائد حزب اختلاف  بننے کے بعد بی جے پی  کوایوان کے اندر اور باہر اپنے پیر کھیچنے پڑ رہے ہیں۔