وزیر اعلی وجین کے خلاف ثبوت دینے پر 30 کروڑ کی پیش کش کی گئی: سوپنا سریش

ترواننت پورم: کیرالہ کے سونے کی اسمگلنگ کیس کی اہم ملزمہ سوپنا سریش نے بڑا انکشاف کیا ہے۔ سوپنا نے حکمراں سی پی آئی (ایم) پر الزام لگایا ہے کہ اس نے ایک ثالث کے ذریعے کیس کو حل کرنے کی پیشکش بھیجی تھی۔ اس میں ان سے کہا گیا تھا کہ وہ  وزیر اعلی پنارائی وجین کے خلاف ثبوت دیں جس کے لئے انہیں 30 کروڑ روپے دئے جائیں گے۔

جمعرات یعنی 9 مارچ کو فیس بک پر اس ثالث  کا نام سامنے آیا۔ سوپنا نے بتایا کہ اس کا نام وجے پلئی تھا جسے سی پی آئی (ایم) کے ریاستی سکریٹری ایم وی گووندن نے بھیجا تھا۔ وجے نے سوپنا سے کہا کہ وہ  وزیر اعلی وجین اور ان کے خاندان کے خلاف تمام ثبوت ان کے حوالے کریں اور  وزیر اعلی  کے بارے میں بات نہ کریں۔

نیو ز پورٹل ’اے بی پی ‘ پر شائع خبر کے مطابق سوپنا سریش نے کہا، "وہ چاہتے ہیں کہ میں ہریانہ یا جے پور جاؤں۔ انہوں نے کہا کہ ہر طرح کی مدد کی جائے گی۔ فلیٹ بھی دیں گے۔ جعلی پاسپورٹ بنتے ہی ملک چھوڑنے کے انتظامات بھی کریں گے۔‘‘

خبروں کے مطابق سوپنا نے دعویٰ کیا کہ وجے پلئی نامی شخص نے انٹرویو کے بہانے بنگلور کے ایک ہوٹل میں ان سے ملاقات کی تھی۔ بعد میں، اس نے انکشاف کیا کہ وہ حتمی تصفیہ کی پیشکش لے کر آئے تھے۔ پلئی سوپنا سے کہتا ہے کہ اس کے پاس فیصلہ لینے کے لیے دو دن ہیں، جس کے بعد اس کی زندگی داؤ پر لگ جائے گی۔ واضح رہے بی جے پی نے وزیر اعلی وجین اور پارٹی کے ریاستی سیکریٹری ایم وی گووندن سے سوپنا کے بیان پر وضاحت طلب کی ہے۔

فیس بک لائیو پر، سوپونا نے کہا، "میں  وزیر اعلی  کو ان کے چہرے پر بتانا چاہتی ہوں کہ میں آخر تک لڑوں گی۔ میرے پاس ایسے لوگ ہیں جو مجھ پر بھروسہ کرتے ہیں۔ اگر میں زندہ رہی تو میں آپ کی پوری کاروباری سلطنت کو ظاہر کر دوں گی۔ مجھے ڈرانے اور دھمکانے کی کوشش بھی نہ کرنا،  میں تمہارا اصل چہرہ دنیا کے سامنے بے نقاب کروں گا۔"

سونے کی اسمگلنگ کیس کی وجہ سے کیرالہ کی بائیں محاذ کی حکومت شکنجہ کی زد میں ہے۔ یہ الزامات سیدھے  وزیر اعلی  پنارائی وجین پر لگائے گئے ہیں۔ اس معاملے میں اعلیٰ بیوروکریٹ اور سی ایم کے سابق پرنسپل سکریٹری وجین ایم شیوشنکر کو گرفتار کیا گیا تھا۔ بعد میں اسے ضمانت مل گئی۔ اسمگلنگ کیس کی مرکزی ملزمہ سوپنا سریش کے ساتھ شیو شنکر کےتعلقات کی وجہ سے ان کے خلاف کارروائی  بھی ہوئی تھی۔