ملکارجن کھڑگے، تصویر @INCIndia
پارلیمنٹ کی سیکورٹی میں سیندھ معاملے پر دونوں ایوانوں میں اپوزیشن کا ہنگامہ جاری ہے۔ اپوزیشن اراکین پارلیمنٹ لگاتار یہ سوال اٹھا رہے ہیں کہ آخر وزیر داخلہ اور وزیر اعظم اس معاملے پر کوئی بیان پارلیمنٹ میں کیوں نہیں دے رہے ہیں۔ اپوزیشن کے ہنگامہ کو دیکھتے ہوئے دونوں ایوانوں کے سربراہان بار بار کارروائی ملتوی کر رہے ہیں۔ اس درمیان کانگریس کے قومی صدر ملکارجن کھڑگے نے ایک بیان میں مرکزی وزیر داخلہ امت شاہ کو طنز کا نشانہ بنایا ہے۔ انھوں نے سوال کیا ہے کہ ’’پارلیمنٹ کی سیکورٹی میں کوتاہی معاملے پر وزیر داخلہ کوئی بیان کیوں نہیں دے رہے ہیں؟ جبکہ وہ ٹیلی ویزن پر انٹرویو ضرور دے رہے ہیں۔‘‘
Published: undefined
کھڑگے نے اس سلسلے میں ایک ٹوئٹ کیا ہے جس میں یہ بھی لکھا ہے کہ ’’کیا اس ایشو پر سوال کرنے والے اراکین پارلیمنٹ کو معطل کرنا انصاف ہے؟ پارلیمنٹ کی سیکورٹی میں چوک معاملے پر اپوزیشن اراکین پارلیمنٹ کو ناجائز طریقے سے معطل کرنا کہاں کا انصاف ہے؟‘‘ کانگریس صدر کا کہنا ہے کہ ’’انڈیا اتحاد کی پارٹیوں کا مطالبہ ہے کہ امت شاہ پارلیمنٹ میں بیان دیں اور پھر دونوں ایوانوں میں اس پر بحث ہو۔ قومی سیکورٹی کے اس سنگین موضوع پر آواز اٹھانا ہماری ذمہ داری ہے، پارلیمانی مذہب ہے۔‘‘
Published: undefined
قابل ذکر ہے کہ کانگریس جنرل سکریٹری جئے رام رمیش نے بھی ملکارجن کھڑگے کی بات پر اتفاق ظاہر کیا ہے۔ انڈیا اتحاد کی پارٹیوں کے لیڈران نے 13 دسمبر کو پارلیمنٹ کی سیکورٹی میں چوک معاملے پر وزیر داخلہ امت شاہ سے دونوں ایوانوں میں بیان دینے کا مطالبہ کیا ہے۔ جئے رام رمیش نے بتایا کہ قومی سیکورٹی کے اس ایشو پر وزیر داخلہ نے بیان دینے سے واضح طور پر انکار کر دیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined