جے رام رمیش / آئی اے این ایس
مکھرگھر وشوناتھ (آسام): انڈین نیشنل کانگریس نے اتوار کو کہا کہ آسام کے وزیر اعلیٰ ہمنتا بسوا سرما کانگریس لیڈر راہل گاندھی اور کانگریس پارٹی کا نام آتے ہی اپنا توازن کھو بیٹھتے ہیں اور جوابی اقدامات کرنے لگتے ہیں۔
کانگریس کے جنرل سکریٹری انچارج شعبہ مواصلات جے رام رمیش، آسام کانگریس کے صدر بھوپین بوہرا اور ریاستی اسمبلی میں کانگریس کے قائد دیببرتا سائکیا نے اتوار کو یہاں ایک مشترکہ پریس کانفرنس میں کہا کہ ہمنتا بسوا سرما ’بھارت جوڑا نیائے یاترا‘ کے لیے مل رہی حمایت کو دیکھ کر آپا نہ کھوئیں اور خود کو پرسکون رکھیں اور اپنا کام جاری رکھنا چاہئے۔
Published: undefined
انہوں نے کہا کہ راہل گاندھی کی یاترا کا روٹ تین ہفتے پہلے تیار کر لیا گیا تھا اور انہیں اپنے روٹ کے مطابق بھارت جوڑو نیائے یاترا کرنے میں پریشانی نہیں ہونی چاہئے۔ انہوں نے کہا کہ اس سے قبل جب راہل گاندھی نے بھارت جوڑو یاترا جنوبی سے شمالی ہندوستان تک نکالی تھی اور بی جے پی کی حکومت والی کئی ریاستوں سے گزری تھی تو کوئی مسئلہ نہیں تھا لیکن آسام کے وزیر اعلیٰ اپنا توازن کھو چکے ہیں اس لیے وہ غلط فیصلے لے رہے ہیں۔
Published: undefined
راہل گاندھی کے سفری پروگرام کے بارے میں جانکاری دیتے ہوئے انہوں نے کہا کہ راہل گاندھی جی کل شمال مشرقی کانگریس کمیٹی کے صدر نبام ٹوکی جی سے ملاقات کریں گے۔ اس کے علاوہ وہ گوہاٹی میں نوجوانوں کے ساتھ 'یوتھ ڈائیلاگ' کریں گے کیونکہ آسام میں بے روزگاری ایک بڑا مسئلہ ہے۔ اس کے ساتھ وہ 22 جنوری کو قومی میڈیا سے خطاب کریں گے۔
Published: undefined
بوہرا نے کہا، ’’آج 'بھارت جوڑو نیائے یاترا' اروناچل پردیش سے آسام میں داخل ہوئی۔ یہاں راہل گاندھی جی نے تمام پارٹیوں کے لیڈروں کے ساتھ میٹنگ کی اور آسام کے مسائل پر تبادلہ خیال کیا۔ انہوں نے مجاہدآزادی سوہید کنکلتا جی اور مکند کاکاٹی جی کے مجسموں کو خراج عقیدت پیش کیا۔ کل وہ بوردووا پولیس اسٹیشن جائیں گے، جو شری شری شنکر دیو کی جائے پیدائش ہے۔ راہل جی اس موقع پر انہیں خراج عقیدت پیش کریں گے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined