بی جے پی کی نفرت کی سیاست ملک کے لئے نقصاندہ: راہل

کانگریس کے سابق صدر راہل گاندھی مستقل عوام کے مدوں کو اٹھا تےرہے ہیں اور ان کا کہنا ہے کہ جب تک ملک میں نفرت کی سیاست چلتی رہے گی ، ہندوستانی کو ہندوستانی سے لڑایا جاتا رہے گا اس وقت تک ملک ترقی نہیں کر سکتا۔ انہوں نے ایک مرتبہ پھر کہا ہے کہ ملک کی ترقی میں نفرت سب سے بڑی رکاوٹ ہے۔

کانگریس کے سابق صدر راہل گاندھی نے کہاکہ بھارتیہ جنتا پارٹی کی نفرت والی سیاست کو صرف بھائی چارہ سے شکست دی جاسکتی ہے مسٹر گاندھی نے اتوار کو ٹوئٹ کرکے کہا کہ ’’میں بھی یہی مانتا ہوں کہ بی جے پی کی نفرت سے بھری سیاست ملک کے لئے نقصاندہ ہے‘‘۔ انہوں نے کہاکہ یہ نفرت ہی بے روزگاری کے لئے بھی ذمہ دار ہے ملکی اور غیرملکی صنعت بغیر سماجی امن و سکون کے نہیں چل سکتی روز اپنے آس پاس بڑھتی نفرت کو بھائی چار ہ سے شکست دیں گے۔ کیا آپ ہمارے ساتھ ہیں۔

انہوں نے کہاکہ ملک میں صنعتی ترقی اور سماجی ہم آہنگی کے لئے بھائی چارہ ضروری ہے اور نفرت کی سیاست کو شکست دیکر ہی بھائی چارے کا اعلان کیا جاسکتا ہے۔