بھارت بائیوٹیک کی کورونا ویکسین کو سرکاری پینل نے دکھائی ہری جھنڈی، حتمی منظوری کا انتظار

نئی دہلی: ملک میں کورونا وائرس ویکسین کو منظوری کے تعلق سے سفارش کرنے والے سرکاری ماہرین کے ایک پینل نے گزشتہ روز بھارت بائیوٹیک اور سیرم انسٹی ٹیوٹ آف انڈیا کی طرف سے تیار کردہ ویکسین کے ہنگامہ استعمال کو ہری جھنڈی دکھا دی۔ ماہرین کی کمیٹی کی طرف سے اس ویکسین کے ایمرجنسی استعمال کی سفارش کرنے کے بعد آج یعنی اتوار کو صبح 11 بجے ملک کے ڈرگ کنٹرولر جنرل ڈاکٹر وی جی سومانی میڈیا کو اپنا بیان دیں گے۔

مرکزی وزارت صحت کے بیان کے مطابق، ’’پونے کے سیرم انسٹی ٹیوٹی آف انڈیا کو ہنگامہ حالات میں کچھ شرائط کے ساتھ ویکسین کے استعمال کی منظوری فراہم کی گئی ہے۔‘‘ وہیں حیدرآباد کے بھارت بائیوٹیک کو عوامی مفاد میں انتہائی احتیاط کے ساتھ کلینیکل ٹرائل موڈ میں یہ دھیان رکھتے ہوئے کہ میوٹنٹ اسٹرین کا انفیکشن ہے، ہنگامی حالات میں محدود استعمال کی منظوری دی گئی ہے۔

اس کے ساتھ ہی احمد آباد کی زائیڈس کیڈیلا ہیلتھ کیئر کو فیز 3 ٹرائل کرنے کی منظوری دی گئی ہے۔ سبجکٹ ایکسپرٹ کمیٹی نے یہ سفارش ڈرگ کنٹرولر آف انڈیا سے کی ہے۔ اب ان دونوں ایکسینوں کو حتمی منظوری کے لئے ڈرگ کنٹرولر جنرل آف انڈیا کی منظوری کا انتظار ہے۔

واضح رہے کہ بھارت بائیوٹیک کی کوویکسین ہندوستان کی پہلی ایسی کووڈ-19 ویکسین ہے جسے ملک کے اعلیٰ طبی تحقیقی ادارے آئی سی ایم آر کے تعاون سے ملک میں ہی تیار کیا گیا ہے۔

پونے واقع سیرم انسٹی ٹیوٹ آف انڈیا نے کووی شیلڈ کی تخلیق کے لئے ایسٹرا زینکا کے ساتھ قرار کیا ہے۔ ایس آئی آئی دنیا کی سب سے بڑی ٹیکہ تیار کرنے کی کمپنی ہے۔ برطانیہ کی میڈیسنس اینڈ ہیلتھ کیئر پروڈکٹس ریگولیٹری ایجنسی (ایم ایچ آر اے) نے آکسفورڈ یونیورسٹی میں سائنسدانوں کی طرف سے تیار کردہ اور ایسٹرا زینکا کی طرف سے تیار کردہ ٹیکہ کو بدھ کے روز منظوری فراہم کی تھی۔

زائیڈس کیڈیلا کووڈ-19 ویکسین بنانے کی کوشش بھی کر رہی ہے اور زائیکوو-ڈی نام کی یہ ویکسین کلینیکل تجربہ کے تیسرے مرحلہ میں ہے۔