ملک میں کل 3 لاکھ 86 ہزار کورونا کے نئے مریض پھر بھی آئی پی ایل اور چناؤ ہوتے رہے

ہندوستان میں کورونا کا قہر جاری ہےاور ہر روز کورونا کے نئے معاملوں میں اضافہ ہو رہا ہے۔کل یعنی جمعرات کو کورونا کے نئے معاملوں کی تعداد تین لاکھ 86 ہزار سے زیادہ رہی اور اس وبا سے مرنے والوں کی تعداد 35 ہزار سے زیادہ رہی۔ کل صحت یاب ہونے والے مریضوں کی تعداد 2,97,540 رہی جو متاثر ہونے والے مریضوں کی تعداد سے بہت کم تھی اور یہ پہلو تشویش کا ہے۔

واضح رہےجس دن کے یہ اعداد و شمار ہیں اس دن بھی ہندوستان میں آئی پی ایل کے مقابلہ ہوتے رہے، اس دن بھی اتر پردیش میں پنچایت انتخابات کے لئے ووٹنگ ہوتی رہی اور اس دن شام کو دہلی کے ٹی وی چینلوں پر پانچ ریاستوں میں ہوئےایگزٹ پول پر مباحثوں کے پروگرام ہوتے رہے ۔ کل اکیلے دہلی میں کورونا سے مرنے والوں کی تعداد 395 رہی ۔

زیادہ تر بڑے شہروں میں مریضوں کے لئے جہاں اسپتال اور آکسیجن دستیاب نہیں ہیں وہیں میتوں کی آخری رسومات ادا کرنے کےلئے لمبی لمبی لائنیں لگ رہی ہیں اور بہت سے شمشان گھاٹ میں انتظام کو صحیح رکھنےکےلئے مرنےوالوں کےعزیزوں کو ٹوکن دئے جارہے ہیں۔

دہلی میں کل کورونا کے نئے معاملوں کی تعداد24235 رہی اور مرنےوالوں کی 395 رہی۔ واضح رہے24 گھنٹوں کے دوران دہلی میں 73,851کورونا ٹیسٹ ہوئے اور پازیٹو ہونے کی شرح 32.82فیصد رہی۔