مہاراشٹر میں کورونا کے 9855 نئے معاملے

مہاراشٹرمیں کورونا کے نئےمعاملوںمیں مستقل اضافہ نظر آرہاہےجس کی وجہ سےیہ خدشہ بڑھتا جارہا ہےکہ کہیں ریاست میں دوبارہ لاک ڈاؤن نہ لگانا پڑے۔ بدھ کےروز یعنی کل مہاراشٹر میں کورونا وبا کے 9855 نئے معاملے سامنے آئے ہیں۔ ادھر اعداد و شمار کے مطابق کل 42 مریضوں کی کورونا سے موت ہوئی ہے۔

محکمہ صحت کے مطابق نئے معاملے سامنے آنے کے ساتھ ہی ریاست میں متاثرین کی تعداد بڑھ کر 2179285 ہوگئی ہے اور اسی مدت میں 42 لوگوں کی موت ہونے سے مرنے والوں کی تعداد بڑھکر 52280 ہوگئی۔

اس دوران 6559 مریض کو صحت مند ہونے کے بعد اسپتالوں سے چھٹی دی گئی۔ اس کے ساتھ ہی ریاست میں بیماری سےٹھیک ہونے والوں ی تعداد بڑھ کر 2043349 ہوگئی ہے۔

ریاست میں اس وقت 82347 سرگرم معاملے ہیں۔ محکمہ صحت کے ذرائع نے بتایا کہ اس کے ساتھ ریاست میں ری کوری کی شرح 93.77 فیصڈ اور اموات کی شرح 2.40 فیصد ہوگئی ہے۔

ریاست مہاراشٹر اس وقت وہ ریاست ہے جہاں کورونا کے تازہ معاملوں کی تعداد سب سےزیادہ ہے ۔ کیرالہ جہاں سب سےزیادہ نئےمعاملہ رپورٹ ہورہے تھےوہ اب مہاراشٹر کے بعد آ گیاہے۔