سابق وزیر اعلیٰ نوین پٹنائک کی سیکورٹی میں کمی، زیڈ سے وائی زمرہ میں منتقل

اوڈیشہ کے سابق وزیر اعلیٰ نوین پٹنائک کی سیکورٹی کو زیڈ زمرہ سے گھٹا کر وائی زمرہ میں کر دیا گیا ہے۔ یہ فیصلہ اوڈیشہ حکومت کی طرف سے لیا گیا۔ ایک آفیسر نے بتایا کہ اعلیٰ سطحی کمیٹی نے اہم شخصیات کی سیکورٹی کے حوالے سے حالیہ میٹنگ کے بعد اس تبدیلی کی سفارش کی تھی۔

ذرائع کے مطابق، کمیٹی کے فیصلے کے بعد بیجو جنتا دل کے سربراہ اور اوڈیشہ کے سابق وزیر اعلیٰ نوین پٹنائک کی سیکورٹی میں تعینات زیادہ تر اہلکاروں کو واپس بلا لیا گیا ہے۔ اب ان کی حفاظت میں حولدار رینک کے دو پولیس اہلکار تعینات ہوں گے۔ ایک آفیسر نے وضاحت کرتے ہوئے کہا کہ سابق وزرائے اعلیٰ کو حکومت کی طرف سے دو پی ایس او فراہم کیے جاتے ہیں اور ضرورت پڑنے پر اضافی سیکورٹی بھی دی جا سکتی ہے۔

اوڈیشہ حکومت کے آفیسر نے اس بات کی بھی جانکاری دی کہ جب نوین پٹنائک اسمبلی میں اختلاف اختلاف کے لیڈر کے طور پر بھونیشور سے باہر کا دورا کریں گے تو انہیں مقامی پولیس کی طرف سے بھی ضروری سیکورٹی فراہم کی جائے گی۔ نوین پٹنائک نے ذاتی طور پر دو سینیئر پی ایس او کی تقرری کی ہے، جو حال ہی میں سرکاری ملازمت سے ریٹائر ہوئے ہیں۔