زرمبادلہ کے ذخائر میں 25 کروڑ ڈالر کی کمی

ملک کی معیشت انتہائی خراب دور سے گزر رہی ہے اور سنبھلنےکےفوری کوئی امکانات نظر نہیں آ رہے ہیں۔ ادھرکسانوں کی تحریک کی وجہ سے ملک میں معاشی غیر یقینی کی صورتحال میں اضافہ ہو رہا ہے۔ زرعی پیدوار چاہے متاثر نہ ہو لیکن دیگر معاشی سرگرمیاں متاثر ہوتی نظر آ رہی ہیں ۔

جو خبریں قومی زر مبادلہ کےذخائر کےتعلق سے سامنےآ رہی ہیں وہ بھی تشویشناک ہیں۔ ملک کے زرمبادلہ کے ذخائر 12 فروری کو ختم ہونے والے ہفتے میں 24.9 کروڑ ڈالر کی کمی سے 538.69 بلین ڈالر رہ گئے۔ پچھلے ہفتے اس میں 6.24 کروڑ ڈالر کی کمی واقع ہوکر 583.94 بلین ڈالر ہوگئی تھی۔

ریزرو بینک آف انڈیا کے ذریعہ جمعہ کو جاری کردہ ہفتہ وار اعدادوشمار کے مطابق 12 فروری کو ختم ہونے والے ہفتے کے دوران زرمبادلہ کے ذخائر کا سب سے بڑا جزو غیر ملکی کرنسی کے اثاثے 1.38 ارب ڈالر کم ہوکر 540.95 ارب ڈالر پر آگیا۔

اس مدت کے دوران سونے کے ذخائر 1.26 بلین ڈالر تک پہنچ کر 36.22 بلین ڈالر ہوگئے۔ زیر نظر ہفتے میں بین الاقوامی مالیاتی فنڈ کے محفوظ فنڈ 13.2 کروڑ ڈالر گھٹ کر 5.0 بلین ڈالر رہ گیا ہے جبکہ خصوصی ڈرائنگ رائٹس ایک کروڑ ڈالر گھٹ کر 1.50 بلین ڈالر پر آگیا ہے۔