کامیڈین اتل پرچورے کا کینسر کے باعث انتقال

ٹی وی اور فلم انڈسٹری سے ایک اور غم کی خبر ہے۔ مشہور مراٹھی اداکار اتل پرچورے کا 57 سال کی عمر میں انتقال ہو گیا ہے۔ ایک رپورٹ کے مطابق وہ گزشتہ کچھ برسوں سے کینسر مرض میں مبتلا تھے۔ اتل مراٹھی کے ساتھ ساتھ ہندی فلموں اور کئی ٹی سیریلس میں بھی کام کر چکے ہیں۔ وہ کافی عرصے ٹی انڈسٹری سے جڑے ہوئے تھے۔

کینسر مرض میں مبتلا ہونے کے بعد بھی انہوں اپنے کام کے تئیں جوش میں کمی نہیں آنے دی۔ اس دوران انہوں نے کئی مراٹھی شوز میں اپنے کردار سے لوگوں کی خوب تفریح کی۔ لیکن دھیرے دھیرے ان کی صحت خراب ہوتی چلی گئی۔ وہ کینسر کے بعد ہونے والی جسمانی مسائل سے بھی جوجھنے لگے  اور آخرکار وہ کینسر سے اپنی زندگی کی جنگ ہار گئے۔ اداکار کے قریبی ذرائع نے بتایا کہ انہیں قریب 5 دن قبل اسپتال میں داخل کرایا گیا تھا۔

گزشتہ سال ایک یو ٹیوب چینل پر اپنے کینسر کے علاج کے بارے میں بات کرتے ہوئے انہوں نے کہا تھا کہ میری شادی کے 25 سال ہو گئے ہیں۔ جب ہم آسٹریلیا اور نیوزی لینڈ گئے تھے، تب میں ٹھیک تھا لیکن کچھ دنوں کے بعد میں کچھ بھی نہیں کھا پا رہا تھا۔ متلی آ رہی تھی اور مجھے لگا کہ کچھ گڑبڑ ہے۔ میرے بھائی نے بعد میں مجھے کچھ دوا دی لیکن اس سے مجھے کوئی فائدہ نہیں ہوا۔

کئی ڈاکٹر کے پاس جانے کے بعد مجھے الٹراساؤنڈ کروانے کے لیے کہا گیا۔ جب الٹراساؤنڈ ہوا تو میں نے ڈاکٹروں کی آنکھوں میں ڈر دیکھا جس سے میں سمجھ گیا کہ کچھ گڑبڑ ہے۔ مجھے بتایا گیا کہ میرے جگر میں تقریباً 5 سینٹی میٹر لمبا ٹیومر ہے اور یہ کینسر ہے۔ میں نے پوچھا کہ ٹھیک ہو جاؤں گا کہ نہیں؟ اس پر انہوں نے مثبت جواب دیا کہ ہاں تم ٹھیک ہو جاؤ گے۔

قابل ذکر ہے کہ اتل پرچورے مراٹھی فلم اور تھیئٹر انڈسٹری میں ایک مشہور ہستی  تھے۔ وہ بطور کامیڈین مشہور بالی ووڈ فلموں میں بھی نظر آئے ہیں جن میں شاہ رخ خان کی بلّو، سلمان خان کی پارٹرنر اور اجئے دیوگن کی آل دی بیسٹ شامل ہیں۔ وہ کپل شرما کے مشہور ٹی وی شو میں بھی کئی بار نظر آئے ہیں۔