مہاراشٹر میں شدید گرمی! تعلیمی بورڈ کی جانب سے اسکولوں کی تعطیلات کا اعلان

ممبئی: مہاراشٹر میں بڑھتے ہوئے درجہ حرارت کو دیکھتے ہوئے ریاستی کے سیکنڈری اینڈ ہائر سیکنڈری ایجوکیشن بورڈ کے سبھی اسکولوں میں جمعہ سے تعطیل کا اعلان کیا گیا ہے۔

اس سلسلے میں محکمہ اسکول ایجوکیشن اینڈ اسپورٹس نے جمعرات کی شب ایک حکم نامہ جاری کیا جس میں کہا گیا ہے اگر ریاست کے دیگر بورڈز کے اسکول مقررہ وقت پر چل رہے ہیں یا ایسے اسکول جہاں اہم تعلیمی سرگرمیاں چل رہی ہیں، تو اسکول انتظامیہ اپنی سطح پر تعطیل کا اعلان کرنے کا فیصلہ کرسکتی ہے۔

دریں اثنا، موسم کی خرابی کی وجہ سے ریاست بھر میں شدید گرمی محسوس کی جا رہی ہے، جس سے لوگوں کو روزمرہ کے کاموں میں مشکلات کا سامنا ہے اور ریاست کے بیشتر مقامات پر دن کا درجہ حرارت 40 ڈگری سیلسیس سے تجاوز کر گیا ہے۔