تمل ناڈو: کڈّالور واقع پٹاخہ فیکٹری میں دھماکہ، 7 افراد ہلاک، 4 زخمی

تمل ناڈو کے کڈّالور ضلع میں ایک زبردست حادثہ کی خبر سامنے آ رہی ہے۔ میڈیا ذرائع سے موصول ہو رہی خبروں کے مطابق ایک پٹاخہ فیکٹری میں دھماکہ ہوا ہے جس میں وہاں موجود 7 لوگوں کی موت ہو گئی ہے۔ اس دھماکہ میں 4 دیگر افراد بری طرح زخمی بھی ہوئے ہیں جنھیں علاج کے لیے قریبی اسپتال میں داخل کیا گیا ہے۔ اس حادثہ کی تصدیق تمل ناڈو پولس نے بھی کی ہے۔

دھماکہ کی وجہ کا پتہ لگانے کی کوشش ہو رہی ہے، لیکن فی الحال یہ معلوم نہیں ہو سکا ہے کہ آخر دھماکہ کیوں ہوا۔ جانچ ٹیم موقع پر موجود ہے اور حالات کا جائزہ لے رہی ہے۔ بتایا جاتا ہے کہ فیکٹر تمل ناڈو کی راجدھانی چنئی سے تقریباً 190 کلو میٹر کی دوری پر ہے اور حادثہ کے بعد فوری راحت کارروائی شروع کرتے ہوئے زخمیوں کو علاج کے لیے قریبی اسپتال میں داخل کرایا گیا۔ زخمیوں میں کچھ کی حالت انتہائی سنگین بھی بتائی جا رہی ہے۔