ڈبل انجن کی حکومت صرف جھوٹ کی حکومت ہے: سنجے سنگھ

ایودھیا: عام آدمی پارٹی کے اترپردیش انچارج و راجیہ سبھا رکن سنجے سنگھ نے وزیر اعظم نریندر مودی اور وزیر اعلی یوگی آدتیہ ناتھ کو ہدف تنقید بناتے ہوئے کہا کہ دبل انجن کی حکومت صرف جھوٹ کی حکومت ہے۔

گاندھی پارک میں نگر نگم ایودھیا کے میئر عہدے کے پارٹی کے امیدوار کلبھوشن شاہو اور کاونسلر امیدواروں کی حمایت میں ایک انتخابی ریلی سے خطاب کرتے ہوئے عاپ لیڈر نے کہا کہ ڈبل انجن والی حکومت صرف جھوٹ والی حکومت ہے جس میں وزیر اعظم نریندر مودی کا انجن صرف سرمایہ دار اڈانی کے لئے کام کرتا ہے۔

عاپ لیڈر نے کہا کہ بی جے پی نے اپنی گندی ذہنیت سے سبھی فرقوں کو لڑا کر اپنی بدعنوان طرز عمل سے عوامی مسائل سے سب کا دھیان ہٹا دیا ہے۔انہوں نے کہا کہ ایودھیا نگر نگم میں اگر عام آدمی پارٹی جیت کر آئے گی تو عاپ کا ہاوس ٹیکس ہاف اور واٹر ٹیکس معاف کردیا جائے گا۔

راجیہ سبھا نے لوگوں سے وعدہ کیا کہ عاپ کے جیتنے کی صورت میں نگر نگم کے اسکول اور اسپتالوں کو بہتر کیا جائے گا۔ شہر کی صاف۔صفائی کا بہترین نظم ہوگا۔ پارکوں کی تزئین کاری کے ساتھ نئے پارک بنائے جائیں گے اور سبھی جگہوں پر سی سی ٹی وی کیمرے لگائے جائیں گے۔

انہوں نے ایودھیا میونسپل کارپوریشن کے انتخاب کو بھائی چارہ کا الیکشن بتایا اور کہا کہ مذہب، ذات کی سیاست میں کسی کا بھلا نہیں ہوسکتا۔ ریاست کے وزیر اعلی یوگی آدتیہ ناتھ ہر الیکشن میں تریپل انجن کی بات کرتے ہیں لیکن ہاتھرس واقعہ، اناؤ واقعہ، امیش پال قتل واردات، عتیق برادران قتل واردات کی بات کیوں نہیں کرتے ۔ انہوں نے کہا کہ یہ لوگ ہندومسلم کو لرا کر اقتدار پر قابض رہنا چاہتے ہیں۔